| 撰文 | : | TOPick 編輯 |
每到Lunch Hour，打工仔當然立即出去「搵食」！但原來醫肚之餘想KEEP 住做靚靚OL，就要留意食材的選擇和食物烹調方法。
原來麵類最高熱量的是豉椒排骨炒麵(1500卡)，其次是干燒伊麵(1300卡)丶星洲炒米粉(1100卡)及乾炒牛河(970卡)。
相片來源：衛生署網站
而飯類最高熱量的是菠蘿雞粒炒飯(1500卡)，其次是福建炒飯(1400卡)，有枝竹火腩(燒肉)飯及焗豬扒飯(1300卡)。
相片來源：衛生署網站
以上的超高熱量的食物，幾乎每一日在茶餐廳的餐牌都會遇到。到底點樣先可以食得健康？TOPick 根據衛生防護中心資料，整理了以下的飲食貼士給各位貪靚OL，跟住做，就不怕越吃越肥。
1. 避免進食炒粉麵飯
原來一份豉椒排骨炒麵或者菠蘿雞粒炒飯熱量就已經有1500卡，干燒伊麵丶星州炒米粉丶福建炒飯丶焗豬扒飯和咖喱牛腩飯等都是過千卡一份。
如果要食得健康，可以考慮改叫冬瓜肉粒湯飯(590卡)丶冬菰蒸雞飯(660卡)丶魚蛋湯粗麵條(340卡)或者雪菜肉絲湯米粉(350卡)等熱量較低的食物去取代。不過小編提提大家，魚蛋湯粗麵條的鈉含量偏高。
2. 選擇非油炸食物
油炸的過程其實會令食物脂肪含量增加，從而令我地攝取多左熱量。以點心鹹水角為例，一碟三件己經超過500卡，食埋其他野例如春卷，就好易超過成人每日攝取熱量的標準，長此下去仲好易會影響健康。想食點心不妨考慮上素蒸粉果，一籠三個才156卡，仲可以多吃幾款點心。
3. 一定要食菜
出親去食飯好多時都會忽略了蔬菜，但其實攝取膳食纖維對人體健康好重要的！出外食飯不妨叫多碟蔬菜或者選擇蔬菜配肉類的菜式，嘗試以每人半碗菜做目標吧！但提提你，叫油菜記得走油呀，如果唔係好易越食越肥！
4. 選擇低脂肉類
唔知何邊種肉先算低脂? 平常出去食飯可以選擇豬柳、瘦豬扒、牛柳、西冷、牛腱等脂肪比例較低的肉類，因為它們的脂肪含量一般均少於百分之十五。
但是豬腩肉、排骨、牛腩、牛肋骨、肉眼扒等脂肪比例較高的肉類，脂肪含量多數高於百分之二十，想食得健康就盡量避免叫啦。
5. 注意飲食行為
想食得健康，飲食時的行為都要好好留意！衛生署提供以下飲食建議：
- 點選適量的食物。
- 要求食肆分開供應醬汁和糖。
- 要求更換太油膩、太鹹或太甜的食物和飲品。
- 避免分心，例如一邊工作或看電視、一邊進食 ─ 因為我們會在不知不覺間進食多了。
- 慢慢進食，最少花二十分鐘用膳，讓身體有足夠的時間產生飽足的訊號。
- 讓自己進食至七至八成飽。
- 無須勉強吃清剩餘的食物。可於安全衞生的情況下將食物保存。
联系客服
