預防遺失行李小貼士

Yahoo旅遊

2015-10-13 10:47:56

無論去旅行還是工幹，通常都有行李寄倉，有時落機後，行李等極唔黎，甚至最後直頭唔見咗，一定好焦急，輕則心情大打折扣，重則延誤所有行程，唔想咁樣就一樣參考下以下幾個小貼士啦！

【立即讚好】全新 Yahoo 旅遊 Facebook 專頁
Yahoo 旅遊以全新樣貌登場，Facebook 專頁當然同時煥然一新！立即讚好，每日睇盡旅遊新資訊！

－保持低調
其實唔一定要用堅硬又跌唔爛個款喼，浮誇喼款唔單止最易比人偷，更往往成為工作人員亂掟嘅目標，唔爛呀麻，所以選用低調行李箱永遠係最好嘅自救方法。另外，亦都唔需要用一個好勁嘅鎖係個喼到，免得此地無銀啦。

相片來源：gentlemansclubofyouth @tumblr

－醒目標籤
如果大家個喼都係差唔多樣，咁就需要一D醒目嘅標籤去分辨自己嘅行李，好似縛條鮮色絲帶、大大個貼紙或者獨一無二嘅自製行李帶等，一眼就可以易於認出自己嘅行李，航空公司嘅行李標籤就免啦！

相片來源：alwaysinwhite @tumblr

－檢查號碼
當你check in時，職員就會俾番張有號碼嘅貼紙你，千奇唔好大安旨意，點都要留意下號碼同埋個名啱唔啱，睇到唔對路，仲可以阻止意外發生。

相片來源：huntandgathering @staff

－利用高科技
早前介紹過嘅智能行李箱就有定位功能，萬一唔見行李都會搵得番。或者利用TRACE ME同Bag2Go呢類程式，亦都可以助你知道行李嘅去向，價錢比掟唔爛個款重抵！

本站仅提供存储服务，所有内容均由用户发布，如发现有害或侵权内容，请点击举报。