当我发现“点旨一盅”呢间粤式点心店果阵，无法形容我当时嘅喜悦感！皆因我对粤式点心有种别样情怀，呢种情怀源于细细个果阵，同老豆妈子、爷爷麻麻一家大细去茶楼饮早茶嘅习惯！到左今日“一盅两件”，对于我黎讲只不过系个代名词，食嘅已经唔系味道，而系一种回忆！
呢度10蚊一个茶位，我第一反应系“痴线咩，咁鬼死贵”…坐低睇左睇先知，原来配嘅系港式柠茶、鸳鸯奶茶等等，要知道呢D饮品系茶餐厅起码15蚊起步！！！
摞起菜牌，样样都想食，好在有食家揸fit点菜，帮左我呢个选择困难症患者一把。讲多无谓，上菜最实际！
原只北极贝烧卖，堪称史上最有诚意烧卖！！！爽口北极贝铺面，弹牙虾仁做馅，仲加左少少Wasabi，底汁系蛋花芡，又何止卖相靓仔甘简单，一啖入口几重享受，到店必点！！！
虾饺可以话系食粤式点心必点产品之一！呢度嘅三色虾饺，最新奇莫过于有三只味，传统原味、激情芥末同埋销魂咖喱！！！二话不说，即刻夹左个芥辣味嘅，一咬开芥辣辛辣味即刻涌入口腔，神奇在于你又唔会觉得特别辣…“老细黎多笼啊唔该！”
估计“点旨一盅”嘅老细对烧卖有别样嘅情怀，就烧卖就有好几款，呢个系牛肉烧卖，不得了嘅系用安格斯牛，特别鲜嫩多汁！
仲有款烧卖不得不介绍，串烧芥末牛肉烧卖，同普通烧卖唔同，呢款烧卖皮炸到酥脆，淋上独有芥末酱，摞细竹签串起身，感觉好童年！！！
原只鲍鱼荷叶饭，荷叶香味扑鼻，原只鲍鱼铺面，卖相十分高大上！
以为佢系炸春卷，点知原来佢系萝卜糕，完全颠覆左萝卜糕系我心目中嘅形象！无明显食出有虾米，之但系又确确实实有虾嘅鲜！！！15蚊半打，打包左份返去比妈子做宵夜，虽然翻到去外边D皮已经唔脆，不过老母都竖起大拇指话好味！！！
雪中送炭薄餐，其实就系传统小食甜薄餐，有别于传统嘅系，呢度嘅外皮加左黑芝麻。未入口芝麻、花生香已经扑鼻而来，外皮韧口、馅香甜！
有两层嘅点心提篮，乜都齐晒，简直系我呢种选择困难症患者嘅福音！！！顶层款款精点，牛奶蛋挞奶香味浓郁，身边小伙伴一睇到，即刻拿起件摆入口，真系好唔客气！呢度嘅春卷系三文鱼+鲜虾做馅，雪梨甘形状嘅好似煎堆，不过馅系流沙，睇落去都系传统，查实样样都好有新意！
底层就都系热辣辣嘅点心，个人最欢喜嘅莫过于虫草花素菌包，皮薄馅丰满，入边内容相当丰富，仲有安格斯牛肉烧卖、清汤牛肉丸、虾饺等等，呢个点心提篮好抵霖！
甜品时间到，首推鲜果拿破仑，每一层都铺满晒各种时令新鲜水果，一层千层酥，一层芝士酱，用料毫不客气，老实讲我一个人就食唔晒啦！
呢餐饭可谓是三重享受，新派粤式茶点卖相靓仔、味道上乘，最紧要嘅系满满嘅都系童年回忆，感觉甚为温馨！继承传统之余，又系细节上花功夫，简直无敌！烧卖依然系烧卖，不过加左Wasabi，虾饺依然系虾饺，竟然有芥末、咖喱口味，呢D米叫用心咯！！！
优惠资讯：
入门就睇到一张海报，大大只字写住
“庆祝十月，点旨一盅天河东方宝泰店开张”
周一至周五六点前，购买套餐，既可以享受八款人气点心，买一笼送一笼！
如此大优惠，又怎可以错过！
店名：点旨一盅
地址：海珠区新港中路354号珠影星光城112铺位
电话：020-89637822
营业时间：11:00-22:30
交通指引：地铁客村站D出口，出来后俺地图指示走
联系客服
