讲起「阿妈」，总会有种“欲言又止”嘅感觉。
阿妈好老土，染个发，佢会觉得我捞偏门...
阿妈好迷信，偷偷喺我荷包塞咗个平安符...
阿妈好大使，煲亲汤都钟意落西洋参...
同样，阿妈都好温柔，除咗成日闹我————死人败家仔/见到你都眼冤/读屎片嘥书簿费/叫你做少少嘢就咁多意见/洗个碗好难为你啊/张床成个狗窦咁/成日挂住玩手机/日日都咁夜瞓/铲你都唔起身/件衫黄过你块面都唔舍得洗/日日12点起身早餐都悭返/食饱瞓瞓饱食睇你几时肥过只猪/生旧叉烧好过生你/............之外，阿妈真系好温柔！
相信全广东嘅仔女都同我一样，只要喺屋企“宅”一日，就可以不间断听到阿妈各种新奇好玩嘅闹仔/女金句！
时间：8：30 AM
去饮茶，阿妈叫咗我三次，我都仲瞓紧，阿妈发起今日“第一火”。
“叫咗成朝你都仲喺度磨，乜得你「立懦」嘎！寻晚食咗三担猪油做宵夜啊！”
【纳懦】又有人会写作「立懦」（音：lap9、糯），形容人行事缓慢又懦弱，「纳」一字带有 「黐立立」的意思。
时间：9：30 AM
又过咗一个钟，我依然喺床上面，阿妈终于忍唔住了...
“真系「怕咗你怕米贵」啊，叫极都唔起身，你食自己啦，我哋去饮茶啦！”
【怕咗你先怕米贵】以前平民百姓好穷，很怕大米升价，形容一个人“怕咗你先怕米贵”，就是指这个人非常之令人厌烦。
时间：12:00 AM
饮完晏茶，原本唔使煮饭嘅阿妈，一返屋企见到我呢个死仔仲喺度瞓，当场勃然大怒！
“屙督尿照下自己个衰样啦！「死蛇烂鳝」咁，家用唔畀多啲，仲要我服侍你！”
【死蛇烂鳝】形容人懒散萎靡、不愿动的样子。广州人以蛇作为懒惰的代表。
时间：13:00 PM
阿妈煮完饭，我下午约咗人睇戏，所以是但扒咗两啖饭就唔食，阿妈再次扯火。
“你正一「食塞米」，煮埋饭畀你都唔食！嘥我水电，嘥埋我二两米！
【食塞米】终日游手好闲，没有建树的人，骂人懵懂、无理智、愚钝
时间：14:00 PM
啱出门口，阿妈就“夺命追魂call”，问我今晚几点返，答完之后，阿妈又嫌我态度敷衍...
“人生仔，我生仔，都唔知系咪前世做得阴骘嘢多！生咗你只「冇尾飞陀」！”
【冇尾飞陀】本义就是“一去无踪”，后来也形容坐不住、行踪不定的人，暗含没有交代不够稳重的意思。
时间：17:30 PM
玩够癫够返屋企，阿妈见到我就嗌我入厨房帮手煮饭。叫我刮干净几个薯仔，但系我贪方便，皮肉一齐“批”，阿妈当场闹！
“真系「前世唔修」咯，叫你刮干净，你连肉切，家阵你发咗达啊！”
【前世唔修】来自于佛家思想，表示前生缺乏修行，今生受到报应，通常用于撞到倒霉事、遇到不顺利的时候。
时间：19:30 PM
食完饭，我就同老窦一齐睇新闻，冇人帮手执碗洗碗，阿妈又嚟了...
“撞见你两仔爷我真系死都唔眼闭！「食嘢唔做嘢，做嘢打烂嘢」，煮饭洗碗年头做到年尾，就系服侍你两仔爷！”
【食嘢唔做嘢，做嘢打烂嘢】等于成事不足败事有余，指一个人越帮越忙。
时间：20:00 PM
阿妈食完饭，惯咗出去散几圈步，想叫我陪佢去，我唔想，跟住又畀佢闹...
“生咗支「顶心杉」出嚟，个阿妈辛苦都鬼咁都冇人理，唔死有咩用！”
【顶心杉】形容某些人专门处处与你作对，做着同你相反的事，同【包拗颈】相近，有句相似的俗话就叫「不贤妻，不孝子，顶趾鞋，没法治」。
时间：21:30 PM
阿妈散完步返嚟，又问我几时带女朋友返屋企食饭，我同阿妈讲，呢啲嘢急唔嚟嘎，你咪理啦。于是...
“哦，「仔大仔世界啦，有毛有翼」啦，阿妈讲句嘢都唔得啦！你识飞啦，当阿妈死咗系啦！”
【有毛有翼】长大了,不听长辈的劝说,有自己的思想、看法,坚决走自己的想法。
【仔大仔世界】儿女大了，世界就是儿女的世界了（仔：儿女）。这是父母作慨叹时常用的话，意思足说儿女大了，不可能事事都听父母的了；也包含着儿女长大后就应该由他们自己走自己的路的意思。
时间：22:00 PM
阿妈依然唔放弃，冲完凉继续游说我，但我都系嗰句，阿妈，我咁大个人了，自己有分数了...点知今次连老窦都出嚟帮我，叫阿妈唔好理咁多，阿妈又嬲了...
“你两仔爷，一个「顶心杉」，一个「包拗劲」，呢头家我最冇地位，好未啊！”
【包拗颈】形容一个人成日处于和自己的对立状态，无论有道理无道理，凡事都要争辩
阿妈眼中的你▲
联系客服
