廣州巴士阿叔興爆YouTube

30/04/2007


巴士阿叔現身廣州？繼「你有壓力，我有壓力」、「未解決！」在港成為一時「佳話」後，廣州近日也流行：「我點唔尊重你呀？」這句「巴士金句」。內地網站近日流傳一段廣州巴士阿叔短片，片中的中年男子與四眼青年，因瑣事對罵近五分鐘、粗口橫飛。不少網民批評，兩人言行「影衰」廣州人。

該短片被放上某視頻網站，只有短短三天，已逾三萬人次瀏覽，還有二百多則網友留言。短片前日還被放到外國網站 YouTube，至昨晚點擊率已近八百人次。

翹腳踢前座 喪罵四眼仔
據悉，短片拍自日前一輛行駛廣州的2×8號巴士，一名中年阿叔因翹起二郎腿，多次踢到前面椅背，坐前面的四眼青年忍無可忍，先是好言相勸阿叔把腳放下，但阿叔即時破口大罵，青年不甘示弱，反唇相譏，觸發更火爆的罵戰。

四眼青年一再指摘：「猛踢我子背後，騷擾到我！」阿叔則幾近失控叫罵：「巴士郁，我對腳自然會郁啦！有咩問題？我都未鬧你，你鬧我？」因阿叔非常激動，一邊罵、一邊指手畫腳，青年經女友不斷勸說：「算啦！算啦！」也嘗試息事寧人，提出：「可唔可以大家互相尊重？」但阿叔罵得起勁，不甘罷休，反問：「我點唔尊重你呀？你想人尊重就去搭的士！」然後，阿叔又爆粗口、又趨前質問青年，似乎準備隨時動手。鄰座一名乘客看不過眼，企圖以「冷靜、冷靜！」勸止，但兩人懶理，繼續以重重複複的幾句互罵。

有其他乘客用手機拍下約五分鐘的對罵過程，至於事件如何結尾？短片未清楚交代，但估計應是阿叔先到站下車。

搭巴士都可以開罵戰，不少網友直斥「無聊！」另有網民譏諷，此事反映廣州人質素低劣，很多人平常都愛以粗口做「助詞」，而車上僅一名乘客出面制止，也顯示廣州人「各家自掃門前雪」的心態