教大家計劃行程前,請注意以下呼籲--請大家多多合作, 切勿爬上大東山石屋屋頂。尤其像圖中插針式企滿人,屋頂將會抵受唔住重量、出現裂縫、甚至有倒塌可能!要知道山上石屋保育主要靠一群義工,政府懶理,大家要保護香港呢個景點,而唔係一窩蜂踩冧佢!)
海拔 869 米的大東山,位於南大嶼山,是香港第3大高山。由東涌市中心乘坐11號或23號大嶼山巴士,於伯公坳下車,毋須過馬路,見涼亭開始登山,沿路直上,即可到大東山, 路徑出口為黃龍坑郊遊徑,以及南山燒烤場,可以搭乘巴士回東涌,或直接行至梅窩碼頭乘船離開。
伯公坳至大東山山頂,步程約 2 個小時多。但由於整段大東山均為原始山路,非石屎路,路程具一定難度。加上伯公坳起步首小時均為直上樓梯,相當索氣;後段則為大石與小石混雜的碎石路加泥路,建議登山初哥要做足心裡準備,一定要穿上登山鞋方好上山。(絕不建議穿拖鞋、Converse者上山!)
如想於山上觀看日落,建議約中午1點於東涌市中心等巴士,約2點於伯公坳起步,輕輕鬆鬆5點(日落前)到達山頂。6點看過日落+晚霞取回頭路落山(入秋後,天黑比你想像中快,記得帶電筒!)
如果你唔怕畀芒草「吉」,會留意到芒草叢中有小路可供拍照,山友記得不要強行開路、踐踏芒草。切勿強行屈斷、折斷芒草,摘下芒草做道具拍照更是超缺德行為!!假如目睹有人破壞山上一草一木,請加以勸止。
每年 11月中後才會見到一片芒草海的繁盛景象,景色大約維持至12月中。
2014年12月的芒草海(ISeeTheWorldHK拍攝):
強烈行山杖!!不論用以輕輕撥開芒草、探路,支撐自己上山、落山,行山杖都是各初哥上大東山必備之物!
行山杖有平有貴,平至鴨寮街的數十元的平價貨,貴至一千幾百的專業登山杖,均有交易。
最好唔好!別以為大東山之上是設備齊全的北潭涌燒烤場,山上無檯無凳,只有石頭和野草,山友只能就地開餐,近年很多不知就裡的登山客專程上大東山大吃大喝,甚至有人帶備爐具打邊爐,其實都不鼓勵、隨意生火甚至違法,容易造成污染,現場環境大風而且氣溫轉變甚大,填肚充飢無妨,不宜舖地蓆野餐。
係!其實所登山客都要明白「自己垃圾自己帶走」,千萬不要問「有無垃圾筒」!帶備垃圾袋上山,將所有廢物放入帶走其實好容易。建議輕裝上山,出發前將乾糧的包裝拆減才上路。下山後,不建議將垃圾丟在伯公坳山下的垃圾筒,皆因該處垃圾筒經常爆滿。不如忍多忍,將垃圾帶到東涌市中心丟棄!最後一提,果皮、果核亦難以於野外自然分解,千祈唔好人講你就信,以為可以當肥料就通山丟棄。總之記住,自己垃圾自己帶走,咩都唔好留低!
石屋為私人擁有,已不向外租借,如要於過夜,有人選擇於山上紮營,但如嚴格依從「郊野公園及特別地區規例」,其實並不准許紮營;因此各位山友切勿於地上、屋頂「起爐」、點/生火,此舉會破壞野地,燒過的野地亦難以復原,加上秋冬風高物燥,容易造成山火。
「郊野公園及特別地區規例第 11(3)條」
任何人不得在郊野公園或特別地區內露營或建立帳幕或臨時遮蔽處,但在以下情況下進行則除外 ─
(a) 按照總監所批給的許可證的規定; 及
(b) 在指定露營地點內
大東山的日落、日出、晚霞、雲海均十分美麗。雲海多在夏天雨後出現,而日出則在12月、1月才較易見到。
總結:其實大東山唔算好難行,但一啲都唔係著牛仔褲加沙灘拖就go咁易行,上山前唔該做足準備,練定體能,要救護員上山抬你走就唔係幾好啦!
联系客服