健行冰川！徒步勇闖 冰島 格陵蘭＠Travel佳 | 旅遊 | 新假期

雖然我Travel佳去過無數國家旅行，但係我嘅travel bucket list始終仲有1個目標未完成，就係去 冰島 、 格陵蘭 行冰川喇！好多人會選擇坐船遊冰川，但係改用步行的話，就可以近距離接觸皓白雪山冰川，嗰個絕世美景肯定更加壯觀，計劃喺最佳季節6至8月去就perfect喇！

廣告

冰島 獨家極地體驗　冰川健行

格陵蘭 係世界第1大島，有僅次於南極的大冰冠，8成土地被冰雪覆蓋。而 冰島 係歐洲第2大島，除咗遊冰河，仲可以秘探火山、睇瀑布、觀鯨、浸溫泉……被喻為1個「活地理教室」！當然，冰川健行絕對係重點行程之一。

去冰島健行我會推介索爾黑馬（Sólheimajökull）冰川，腳踏氣勢磅礡嘅冰川，旁邊就係米達爾斯冰原（Mýrdalsjökull）火山，行走於冰火之間，相信嗰種壯麗嘅大自然威力非筆墨可以形容。而瓦特納（Vatnajökull）冰原係冰島最大嘅冰川，健行遊覽同樣可以踏入「冰火之地」，睇熔岩、火山口同熱湖，仲可以摸冰川、食冰塊，比起坐船過癮好多。

用腳行 冰島 索爾黑馬冰川，感覺好刺激，而冰川旁邊就係火山，邊行邊體驗冰火之旅。

喺瓦特納冰原，可以同時間行冰川、睇熔岩同火山口，同坐船相比係另一番感受。

格陵蘭 賽美米特小鎮可以參觀當地因努特人（即愛斯基摩人）之家，了解佢哋嘅生活文化。

賽美米特小鎮靚到成幅畫咁！

喺零下氣溫嘅藍湖浸溫泉，感受另一種冰火享受，睇住日落浸，仲有三重享受添！

遊冰島金環，除咗睇到火山湖（圖），仲可以睇埋溫泉城、黃金瀑布、間歇泉等等，去一趟等於上咗堂實地考察地理課。

行冰川最緊要安全，尊賞假期嘅冰島/格陵蘭觀光團就新增咗冰川健行，有專業導賞員帶領同講解，仲會提供冰鞋爪、頭盔同冰斧，3個零鐘輕鬆遊冰川。

參加尊賞假期嘅冰島/格陵蘭觀光團，佢哋會提供晒冰川健行嘅裝備：冰鞋爪、頭盔、冰斧。

廣告

格陵蘭 坐冰船、冰島親親純種馬

遊格陵蘭冰川少不了坐船——艾奇冰河船之旅，可以舒舒服服喺船上欣賞無數冰山、高100呎嘅冰河，甚至近距離睇到兼聽到好似雷聲嘅冰崩，震懾嘅威力肯定畢生難忘，坐船仲有機會睇到鯨魚和海豹添！

坐艾奇冰河船，可以深入無數冰山，甚至100呎高嘅冰河，好有氣勢。

坐艾奇冰河船，隨時可以聽到好似雷聲嘅冰崩，極震撼！

遊船河主菜當然係睇冰川，不過隨時會有配菜：睇到鯨魚同海豹！

難得去到冰島，出產純正血統冰島馬嘅冰島馬園，都值得一去。純種馬體形比一般馬細，有厚厚嘅鬃毛，深邃眼窩好似畫咗眼線咁，有型得來又幾cute！

純正冰島馬比一般馬矮小，「頭髮」長長，萌爆！

廣告

直飛阿克雷里更省時

由冰島雷克雅未克去阿克雷里，好多人會搭車，但係尊賞假期嘅冰島團就會搭內陸機，省時兼舒服得多。而喺格陵蘭更可以住Arctic Hotel，感受格陵蘭人冰屋嘅體驗。