船河，泰國廉價地道美味。有傳由移居泰國、在水上市場工作的潮州人所創，勞動階層，出汗多，偏好以滷水，甚至加入豬血做湯底的濃味湯粉。由於多在艇上食，做成細細碗，防止倒瀉。船河近年殺入香港，愈開愈多，貴至過百元，用和牛做配料的升級版;平至廿蚊，抄足原著幾啖食完 ⋯⋯ 豐儉由人。今期食勻全城最有口碑的7間船河，憑湯底、粉麵、配料逐項品評，即看邊間最好食!
* 試食評語乃根據記者個人經驗、觀感及口味得出，以試食當日出品為準。另外，以下貨品價格或有可能浮動，敬請留意。
開業於1995年，前身經營泰國雜貨，食材8成由泰國運 來，由泰籍廚師主理。總店在灣仔，2009年在銅鑼灣再開分 店。兩店都是樓上舖，以熟客生意為主。
九龍城廿年老店，賣泰國雜貨起家，後見做食肆 生意好，乾脆專攻泰菜麵食。據講老闆來自清邁，賣 的 是 泰 北 口 味 。 最 特 別 是 店 中 的 麵 食 全 部 可 自 配 7 款 粉 麵:河粉、金邊粉、米粉、米線、粉絲、蛋麵、粗蛋 麵，甚至少見的卷粉，配搭非常靈活。
去年尾才開業，主打船麵，有7款之多，碗碗廿零 蚊，似足泰國原著，碗碗的骰，兩箸食完。據聞老闆 開店之前曾造訪泰國多個地方偷師，集各家大成。招 牌的遊泰國(豬肉船粉)以5款豬肉佐料、3種骨頭及草 藥秘製而成，落足心機。
去年中才開業，新張初期，曾在宵夜時段推出$12/碗 船河，成為佳話。店中主打泰式粉麵，有湯有撈，當中船 河湯底以花椒、八角、桂皮及筒骨熬煮三、四小時而 成。另有下午茶餐，船河加飲品才$42，材料雖不及正價的 豐富，價錢就平三分一，幾抵食。
成立於90年代，曾是香港最大的泰國餐廳，直至97年結業。後來由其中一位 股東的孫兒重開，現有兩店，都在九龍城，龍崗道店街坊格局;南角道店走年輕路 線，裝修型格。店中所賣的船河，正是家族秘方炮製，由於湯底有限，船河限量供 應，有時未到晚市便賣完。
開業年半，人氣不減，加上去年獲得米芝蓮推介，錦上添花。試食當日乃平 日，記者6pm 到場 ( 餐廳晚市開6:30pm)，已排第7，非常誇張。澳籍老闆兼主廚曾 在悉尼、倫敦、曼谷、新加坡擔任泰菜廚師，餐廳主打船河及創意特色小食，船河分和牛及豬兩種。
剛開業不久，祖籍泰國東南部羅勇的老闆，小時候跟婆婆在水上市場打滾，自小食船河長大，來港後更將家傳船河配方發揚光大，開店公諸同好。湯 底以15種材料熬煮而成，滷水香味醇厚，再加上十多斤豬骨，味道香濃。
联系客服
