隱藏]
短遊台北,行程包括:牛肉麵、茶葉店s、迪化街、spa、永康街、隱世無餐單omakase
Madison Taipei 慕軒酒店
呢間酒店我哋第2次住,所有設施、服務都好滿意,wear and tear嘅情況唔算過份,但唔知點解今次我哋2個都瞓得好差,但係又講唔出點解⋯⋯
穆記牛肉麵
可選牛肉或半筋半肉或牛筋。麵方面看選紅燒、清燉、撈麵。
其實除了牛肉麵外,我個人最喜愛係「京醬肉絲」+ 餅。其實好似即係北京填鴨嗰隻醬咁。
另外台灣餐廳多數都有個雪櫃你自己去攞d小食,今次攞咗豬耳。
最右邊係牛筋拼牛肚,牛肚勁得!
咁樣包嚟食
茶葉店s 今次去咗呢2間都係比較有歷史(過百年)嘅茶業店,另外再有1間在永康街,去到嗰版再講。第1間已經幫襯過好多次,鍾意飲台灣烏龍茶嘅朋友不妨試吓。另外我鍾意佢有茶包,攞番公司飲都好方便。 呢間第一次去,唔sure茶葉品質係點,不過都買咗小小試吓迪化街
近年好多保育項目,國內嘅有北京798、香港嘅有PMQ、大館等,台北嘅有華山、松山文化園區等等。但係全部都唔係太成功(at least我覺得),能夠做到嘅只係極其量用到個舊嘅建築物(而唔係掉空),但係新嘅用途同舊嘅建築物完全無關係,皮肉互不相關。
迪化街在我眼中好成功,佢仲有部分係原有嘅鋪頭(主要係海味、山貨店),然後有部分係推廣台灣本土文化嘅鋪頭,亦有部分係舊店經過re-brand,都做得好成功。
香港而家都好少山貨店
坐低唔一定要飲咖啡,可以飲茶、食唐餅
呢間係專做唐果子同日本果子,有鳳梨酥,亦有叮噹豆沙餅
小店
當年建築群都比較長,我估計因為需要採光同通風,所以全部都有個咁樣嘅天井位
沐蘭 spa
今次因為台北係整個旅程嘅最後一站,所以真係需要去一個好d嘅spa輕鬆一下!呢間spa已經開業好多年,一直都享譽盛名,不過就比較貴,但係都唔理喇,今次試吓人生第一次嘅4手按摩!價格NT5700,連稅NT6100療程合共1小時45分鐘首15分鐘更衣、蒸汽shower內稍為沖一沖身跟住係1個小時嘅2人4手按摩再跟住最後可以選擇泡浴或再用蒸汽shower最後享用點心晶華酒店內部 Spa reception窗外景觀呢個係單人房療程後有小點心供應永康街
永康街呢個景點已經存在咗好多年,好多旅客鍾意食佢嗰度嘅小籠包、蔥油餅等等。今次因為要去買茶葉,所以再次舊地重遊。
呢間接近街口,有茶葉、卷蛋、雪糕
呢間係舊茶行,經過re-brand後,一d老土感覺都無
我鍾意飲左邊嗰隻「桂花烏龍」,好香
呢個小店賣嘅全部都係本土品牌產品、紀念品
呢間算係比較冷門嘅茶店,佢咁多年嚟都只係賣嗰2、3隻品種嘅茶葉(梨山茶、正叢鐵觀音等),但係品質一直都keep得住。而且內裏佈置清雅,入去飲杯茶都好正。另外,佢都有d茶具賣,有8、90年代嘅紫砂茶壺,亦有全白色嘅瓷壺、瓷杯等。
呢間以茶具為主,性價比不錯
隱世無餐單omakase 常夜燈
老闆佑哥早年響日本學藝多年,約7年前開咗呢間餐廳,只做omakase,必須預約。你坐低就食,食到飽就叫停起身走人,計錢就計你食咗幾多嘢。如果食曬應該約有25道食物,每位台幣2000。食物方面有生有熟,一坐低就會問你有咩唔食。
餐單不定期更新
左上:百合花釀日本南瓜蓉
下中:牛蒡BB醬手卷
上中:烏魚子/白蘿蔔粒
上右:焗cream cheese粒
中左:魚鏢
中右:魚胗(胃)
上中:甜蛋(卷起之後放入焗爐一陣)
中右:牛腩蘿蔔
下中:用雞湯熬成嘅湯再煲嘅粥
最後係甜品:大福(食得出隻綠茶粉係靚嘢)
本站仅提供存储服务,所有内容均由用户发布,如发现有害或侵权内容,请
点击举报。