1.【大笨象会跳舞】
大笨象会跳舞马骝仔会上树狐狸会打惯斗山猪山豹山羊山中有只老羊望见老虎发吽抖。
2.【落雨大】
落雨大,水浸街,阿哥担柴上街卖,阿嫂出街着花鞋,花鞋花袜花腰带,珍珠蝴蝶两边排.排排都有十二粒,粒粒都係解放牌 。
3.【月光光】
月光光,照地堂,虾崽你乖乖瞓落床
听朝阿妈要捕鱼虾啰,阿爷看牛要上山坡
哦哦哦......
阿崽你快高长大啰 帮手阿爷去看牛羊
哦哦哦......
月光光,照地堂,虾崽你乖乖瞓落床
听朝阿妈要捕鱼虾啰! 阿嫲织网要织到天光
哦哦哦......
虾崽你快高长大啰 撑艇撒网就更在行 哦哦哦......
4.【氹氹转】
氹氹转,菊花圆,炒米饼,糯米团,阿妈叫我睇龙船,我唔睇,睇鸡仔, 鸡仔大,摞去卖,卖得几多钱?卖得三百六十五个仙.
5.【猜呈沉】
呈沉剪,呈沉包,呈沉糯米叉烧包.老鼠唔食香口胶,要食豆沙包.
6.【拍大髀】
拍大髀,唱山歌,人人话我无老婆,嘀起心肝娶返个,有钱娶个娇娇女, 无钱娶个豆皮婆,豆皮婆,食饭食得多,屙屎屙两箩,屙尿冲大海,屙屁打铜锣.
7.【鸡公仔】
鸡公仔,尾弯弯,做人新抱甚艰难!早早起身都话晏,眼泪唔乾入下间, 下间有个冬瓜仔,问安人老爷煮定蒸, 安人又话煮,老爷又话蒸,蒸蒸煮煮唔中安人老爷意, 大把拉盐又话淡,手甲挑盐又话鹹,三朝打烂三条夹木棍,四朝跪烂四条裙! 咁好花裙畀你跪烂,咁好石头畀你跪崩!横又难,直又难,不如舍命落阴间! 人话阴间条路好,我话阴间条路好艰难!
8.)【收买佬】
收买烂铜烂铁,收买旧报纸 ,收买烂铜烂铁,收买旧报纸 旧报纸呀堆满屋,旧仔呀摆满厅,旧衬衫呀塞满房,问阿妈呀点算好 旧也好 新也好.旧与新都可变宝.卖了它即可变钱.若要钱搵收卖佬
收卖佬天天上路,没理风吹兼雨打 ,一买一收一世乐,旧也好呀新也好 卖了旧报纸买噹噹糖,卖了旧仔买甘草榄,收买佬天天上路,旧也好他都当宝
9.【年卅晚,買檳榔】
月光光,照地堂,年卅晚,買檳榔,檳榔香,買紫薑,紫薑辣,買芙薘,芙薘苦,買豬肚,豬肚肥,買牛皮,牛皮薄,買菱角,菱角尖,買馬鞭,馬鞭長,買屋樑,屋樑高,買把刀,刀切菜,買鑊蓋,鑊蓋圓,買條船,船頭高,船尾矮,浸死兩個番鬼仔,一個浮頭,一個浸底。
10.【攋尿蝦】
攋尿蝦,煲冬瓜,煮唔熟,賴亞媽。
12.【放臭屁】
屁,係肚中之氣,放佢出嚟遊灑天地, 鬼叫你咁貪心,聞咗我個屁, 嗍咗入個鼻,我要你賠返二両四。
13.【肥婆跳舞】
一二三四五六七,肥婆跳舞頂第一, 跳得高褲頭甩,跳得矮唔好睇。
14.【白欖仔,暗暗香】
白欖仔,暗暗香,大哥買歸亞嫂嚐。 亞嫂唔嚐,畀過細姑娘, 姑娘得食隨街唱,果然大嫂惜姑娘。
15.【路好行】
行,行,行,行到街邊執個橙。 橙好食,路好行。
16.【煮饭仔】
煮饭仔仔先落米,风炉透火柴对齐,千其唔好咁拿西,我哋係细蚊仔。
17.
本站仅提供存储服务,所有内容均由用户发布,如发现有害或侵权内容,请
点击举报。