ꁮꅉꉙꇐꑵꉙ｜ꀉꑳꀉꎓ

ꀉꑳꀉꎓ 来自syplu 00:00 05:26

ꀊꑳꇊꀈꎓꑌ 

ꀊꆨꈾꏿꈾꅿꄮꇬꇁꄉꌠ

ꀋꃅꈾꒇꈾꊂꉅꇁꃲ 

ꀈꎓꂸꀱꇁꎜꄉꇈꃲ ꀑꎮꑑ

ꀊꑳꇊꀈꎓꑌ 

ꀊꆨꐩꏿꐩꅿꆥꄮꇬꇁꄉꌠ

ꀋꃅꐩꒇꐩꊂꏂꇁꃲ 

ꀈꎓꂸꀱꇁꎜꄉꇈꃲ ꀑꎮꑑ

ꐩꒇꆹꐩꊂꉅ ꈾꒇꆹꈾꊂꉅ 

ꌿꅐꆹꌿꊂꉅ ꎭꅐꆹꎭꊂꉅ  ꀑꎮꑑ

ꉅꌋꆹꌕꑳꌔꂻꐛ ꌌꇁꎧꏸꌕꄣꏬ

ꎧꏸꆹꋍꍔꈈ ꌌꇁꀀꁈꐚꎴꄐ 

ꆍꃀꆹꌞꅍꐛꋺꀕ ꐛꋺꆹꀱꋺꀕ

ꐛꋺꆹꀱꋺꆏ ꀈꎓꊼꇅꀱꄷꂿ ꀑ ꎮꑑ

ꀀꁈꐙꎴꑌ ꆍꃀꆹꌞꅍꐛꋺꄷ

ꐛꋺꆹꀱꂸꋺ ꀈꎓꉌꃀꄏꄹꊰ ꀑꎮꑑ

ꀊꑳꇊꀈꎓꑌ ꂸꁧꆹꂸꉆ꒧ꇁꃲ

ꃰꐛꆹꆈꁏꀕꑌꁧ ꉐꐚꆹꆈꏻꀕꑌꁧ 

ꑘꄃꆹꑭꁭꂦꑌꁧ ꀑꎮꑑ

ꀊꑳꇊꀈꎓꑌ ꇁꇈꆹꇁꇈꃅ

ꇁꌋꆼꏦꌙꏢꈴ ꆳꏂꆹꌕꄲꋒ

ꀈꎓꆳꄡꆳꌌꀋꇊꁧ ꀑꎮꑑ

ꀊꑳꇊꀈꎓꑌ ꇁꇈꆹꇁꇈꃅ

ꇁꌊꇁꄿꌘꏢꈴ ꒊꆱꆹꌕꂷꄚꄉꋒ

ꀈꎓꒉꄡꒉꌌꀋꇊꁧ ꀑꎮꑑ

ꀊꑳꇊꀈꎓꑌ ꇁꌊꇉꏪꌕꂷꑟ

ꈜꐯꅍꇖꊭ ꈜꉐꁁꇉꍧ

ꂴꆽꋩꇁꏦꌠꉬꎻꈁ ꀋꁧꂛꊨꉬꎻꈁ

ꊁꇁꈹꇁꎹꌠꉬꎻꈁ ꁭꃅꃥꌋꉬꎻꈁ

ꀑꎮꑑ

ꀊꑳꇊꀈꎓꑌ ꆿꃀꆿꌺꌕꂾꉬꅊꇈ

ꀈꎓꉌꃀꄏꄷꊰ 

ꇬꇉꉘꅍꀕ

ꑓꁴꉐꌦꌵ

ꀊꑳꇊꀈꎓꑌ ꀍꇽꈜꉐꄉ 

ꑭꇽꈜꐯꎭ ꃶꈻꂷꁧꏍ

ꀈꎓꑠꂷꎮꑑꅉꀑ ꎮꑑ

ꎮꑑ  ꎮꑑ

ꁴꇑꌿꆈꋋꂷꇿꇬꐛꂷꉬ?

ꀘꂾ｜ꆀꃅꊿꀘꌧꇐꃆꂮꑠꍈꉜꎺꌒꃅꉉꈻ

ꌧꇐSYPLU

ꌧꇐꁨꌐꂷ：syplu999