依家大个，
出去蒲天光都冇人理！
但细个阿阵，好多人迟五分钟入门口
都要被老窦老母问东问西，
出个街，起码提前三日打好report！
但老窦老母又点阻挡出去蒲嘅欲望
为咗出街去蒲，
我哋都作啲咩理由？
TOP7
阿妈叫我出街买豉油
对住老窦，
我会讲阿妈叫我出去买豉油。
对住阿妈，
我会讲老窦叫我出去买烟。
一旦成功偷走出去，
我就打死都唔返，
玩尽佢先！
TOP6
学校今日补课
学校补课，
系一个光明正大嘅出街借口！
有个好重要嘅前提，
你老窦老母唔会打畀老师确认！
否则，迎接你嘅唔系自由，
而系一场男女混合双打！
TOP5
今日同学生日
每次我一话同学生日，
我哋一班老友约出去食饭，
老窦老母好容易就放行，
最后仲要私人醒我一两百蚊，
惊我唔够钱用！
我咁有良心嘅人，
肯定问佢哋攞多两百啦！
有食唔食，罪大恶极啊！
TOP4
今晚去隔离小明屋企瞓
如果你有个老窦老母都见过嘅好朋友，
咁佢就系你嘅万能借口！
每次我哋一班人出去蒲，
我就会打电话同老窦老母讲：
“我今晚去隔离屋小明度瞓！”
跟住小明打电话同佢阿妈讲，
“我今晚去小沅子屋企瞓！”
两个人默默对望，相视一笑！
配合就系要咁打！
TOP3
去图书馆自习
越临近考试，越想出街。
呢种时候，图书馆就系最好嘅借口！
只要你孭个书包，攞住书本文具，
扮成学霸，话去图书馆自习。
老窦老母唔单止唔阻你，
仲要非常感动咁望住你，
话你大个仔啦，生性啦！
TOP2
我班长撞车出意外
为咗出街，
必要时要诅咒下啲friend！
就系咁，一年之内，
我话自己去医院去咗七八次，
周围嘅同学死嘅死，伤嘅伤！
我简直系个死神小学生！
TOP1
乜理由都唔用
当老窦老母一出门，
我计算好佢哋离开嘅时间
然后开始出门玩！
时间差唔多，我即刻飞奔屋企，
保证佢哋返嚟，我一定喺屋企！
结果，
我就咩理由都唔使，
直接出去蒲咗一个下午，
仲要冇人知！
有时候，同家长嘅斗智斗勇，
都系人生一场重要嘅游击战！
细个嘅时候，
日日都想出去玩。
越大个反而唔想离开屋企。
如果有时间，
都系多啲留喺屋企陪父母啦！
成日出去蒲伤身啊，
而且……
联系客服
