呢篇系一篇实用性五粒星嘅推送，因为今日要教你哋点用粤语形容一条路
“烂”
例如下面呢条，“唔系路”。
01
妖，度度都整路，都「唔系路」嘅！
唔系路：别人做错事的时候，可以指其“你都唔系路嘎”，大意为“有冇搞错啊，咁都得？”
一句咁有粤味嘅俗语，一个路名嘅Level忽然就升到三四楼咁高！当然仲有呢条“狗上瓦坑，有条路”。
02
哇，条路搞成咁，都仍然有块木板顶住，真系「狗上瓦坑」咯！
狗上瓦坑---有条路：略带贬义，形容一件事再离奇，也一定事出有因。另指一男一女有染。
有一条行唔到嘅路，叫“躝屍趌路”。
03
人行道都铲埋，即系叫我哋「躝屍趌路」啦！
躝屍趌路：滚蛋。
开餐厅嘅陈生，佢铺头前面就系“衰开有条路”。
04
「衰开有条路」啊，铺头成个月都做唔到生意，打折都冇人帮衬，灯油火蜡都蚀埋。
衰开有条路：大意为“福无双至，祸不单行”，倒霉的事接踵而来。
想去惠XX路食碗云吞面嘅张生，行错路去咗“唔知头，唔知路”。
05
大家尽量唔好去惠XX路，咪「唔知头，唔知路」去到之后入到成脚沙。
唔知头，唔知路：不清楚事情的来龙去脉。
返工只需要过条天桥，但因为整路被逼“兜路”行多20分钟嘅阿C。
06
终于明白啲的士佬点解成日都「兜路」嘞，度度都整路，唔兜仲边有路行啊？
兜路：绕路。
未整路前，新手司机陈生净系识行一条路。整路后，陈生依然净系识行一条路——“荡失路”。
07
平时揸车返屋企嗰条路封咗，我同老婆讲我「荡失路」，佢就话我去滚唔返屋企，我依家点算好？
荡失路：迷路。
荡失路唔仆街，最仆街嘅系，你要行嗰条，变咗“掘头路”。
08
你话死唔死，人哋话“车到山前必有路”，我就“家门有条「掘头路」”，好整唔整，整正喺我屋企楼下，又吵又多尘。
掘头路：死胡同。
总之，大家近排出街都要“睇路”。
09
温馨提醒下，听讲有啲路冇盲人道，大家要「睇路」啊！
睇路：小心走路。
睇咗以上咁多个路名，其实佢哋都系同一条路，叫做：
P.S：【笔士（不是）鸠路】，国家编号：G93。成渝环线高速公路，
该环线全长1200公里，也是全国里程最长、连接城市最多的高速公路环线。
呢度咁多条【不是鸠路】，
你想讲啲乜？
▲每日食尘嘅阿爆
联系客服
