1
你可能打成世工都买唔起一间屋
广州最近公布咗2015年最新平均月薪6911，然而目前均价为17055/m2（你唔好理，佢话平均就平均噶啦）即使你係高于平均数，都要20年不吃不用先可以够钱买个边远地区100m2嘅单位。
2
每日唔系逼公交就系逼地铁
如果你来广州未逼过公交、未逼过地铁，你嘅广州之旅简直就系唔完整噶！当你逼过三号线你就会有置身日本嘅感觉，因为佢逼人嘅程度同日本东京地铁逼人嘅程度係一样噶！
3
住喺广州，但系未上过一次广州塔
好多人住喺广州，但系从未正式上过一次广州塔，点解？觉得贵咯，唔舍得囖，有D唔好话广州塔，就连珠江夜游都未坐过。
4
无论去办事定系食饭都要排队
唔知从几时开始，食饭等位变咗件正常到无得再正常嘅事，以前一间店排队排两个钟係好虚撼嘅事，而呢家你係广州随便食个饭轻则一个钟，重则2-3个钟都好正常。
5
男女比例1:4，你都依然要做单身狗
喺广州呢D国际化大都市，单身男女比例係1:4，然而唔知点解仲系好多单身狗嘅出现，怪不得越来越多好基友出现了。。。
6
有病自己搞掂，唔敢去医院
病咗？自己就系医生，自己执药，食完无事就由得佢，真系顶唔顺先去睇，呢D係无数广州人的生活写照。点解？一个伤风感冒分分钟睇咗自己几舊水，真系骨都赤埋。
7
开车塞，停车难
以前以为买咗车以后出入都会方便好多，然而发觉一出街道道都塞车，去个商场搵停车位搵足半粒钟先搵到。然后行翻15分钟去目的地，买车之后真系方便咗咩？！
8
周街都请人，但系总系搵唔到工
呢家间间公司都请人，但系间间公司都话请唔到人。个个大学生都搵紧工，但系日日都净系见到佢见工搵工。
9
生活压力大，根本不敢辞职
世界那么大，你想去看看？先谂清楚自己还咗房贷未先啦？仲有你个仔今年嘅学费又搵够未？家用俾咗未？真系秒秒钟都想死啊！
10
唔係唔想结婚，係唔敢结婚
D三姑六婆、蔗渣二婶日日都问你有女朋友/男朋友未，一系就问你几时结婚，你以为我真系唔想结婚咩？！我係唔够胆结婚啊！结咗婚之后两个人生咗个BB之后一齐挨穷？我都想俾到个幸福嘅家佢哋，但系现实社会真系好现实咯。
或许这故事亦是谁共你的故事吧
但系既然自己当初选择咗呢度嘅好
自然亦都要接受呢度嘅缺憾
自己选择的广州
就不要后悔
勇敢面对每一个明天
越努力，越幸运！
阅读更多文章（广州、攻略、美食）公众微信号：lifes020
联系客服
