要讲到崔氏最早嘅太公,撇开猿人进化、人类祖先由非洲到达欧亚大陆唔讲,我地最远其实可以追溯到传说中嘅“炎帝”。炎黄子孙你应该听过啦挂?其实“炎黄”指嘅係炎帝同黄帝,佢地係中华民族公认嘅始祖,而崔氏就系炎帝嘅后裔啦。
炎帝其实唔系一个人嘅名,而係一个世袭嘅称号,一共传咗十七代炎帝,共五百二十年。第一代炎帝个名叫“石年”,当时一开始冇姓噶,但系因为佢喺“姜水”出世,所以后来就以“姜”为姓啦!姜水喺依家嘅陕西省范围内。
(注:好多地方都写係八代炎帝,但其实你计下数就知,五百二十年传八代係冇咩可能!(当然, 你可以话炎帝只係个传说,所以都係错嘅)如果你睇下吕不韦写嘅《吕氏春秋·审分览·慎势篇》你就睇到其实炎帝係传咗十七代,而我经过多年嘅搜寻,终于係《吕氏世谱》入面搵到十七代炎帝嘅名号,呢个问题我地可以将来再探讨。)
如果你以前有听过炎帝嘅古仔,甘你就应该知道炎帝又叫“神农氏”。十七代嘅炎帝被后世总结咗八大功绩:
第一、始作耒耜,教人耕种(发明耕种工具)
第二、尝遍百草,发明医药(最终试到呱咗)
第三、织麻为布,制作衣裳(唔使树叶遮住)
第四、日中为市,首倡交易(甘早识做生意)
第五、削桐为琴,练丝为弦(早期嘅音乐家)
第六、弦木为弧,剡木为矢(咩都识做出黎)
第七、作陶为器,冶制斤斧(同上)
第八、台榭而居,安居乐业(识整个窦黎住)
到咗最后一代炎帝(叫榆罔),因为喺阪泉之战输咗俾黄帝个部落,所以之后炎帝部落只好归顺黄帝,做佢嘅臣子。甘搞清楚“姜”姓点黎啦,炎帝又同姓崔有咩啦楞呢?且听下回分解啦!
联系客服