Laughing哥！你系想吓死人，定笑死人？

话说4月6日香港红馆即将上演《风云5D音乐剧》，而日前就推出咗宣传歌曲《蝶梦》。

MV由聂风(谢天华饰演)及孔慈(阎奕格饰演)合唱，不过……

▼▼▼

MV嘅制作实在太粗糙，加上二人造型老套兼呕心，所以一推出，唔少人都话难睇、吓人！

舞台剧系由郑嘉颖、吕良伟、谢天华、谭耀文等人合作，希望重现《风云》嘅经典场面，令粉丝怀念一番。

但，未知系咪制作成本限制，造型师及后期制作都好劣质，令MV好娘好老饼。

MV里面嘅Laughing哥以长发造型出现，或者系最近佢嘅生活太过美好，所以身形发幅咗唔少，好多镜头都有双下巴。

最致命嘅一点系，Laughing哥化上极粗、浓、黑嘅眼线。

唔讲仲以为佢Cosplay《倩女幽魂》里面嘅姥姥！

其实当年郑伊健饰演嘅聂风有型有款，点解今次换上唔系好啱嘅Laughing哥呢？

另外MV好明显睇到绿幕背景，特技效果可以同TVB一较高下啦！