黄子华日前宣布“金盘𠺘口”,将开最后嘅栋笃笑。今日开始预售票,点知好多网民话买唔到飞,同时黄牛党又将门票炒到一万五千蚊以上!
今日黄子华系FB上载两段片,先表达当中嘅愤怒,同时宣布下个月公开售票时,每人只限买四张,因为要杜绝黄牛党牟利!子华表示原本有两场系用来休息或用作打风时来“”赔翻俾大家”,但依家就休息啦,搏命做!要将D飞卖晒俾观众。
黄子华拍片闹爆黄牛炒飞
↓↓↓
[如视频无法播放 请退出刷新几次]
黄子华 决定唔休息
搏命咁做
要让更多有心人可以买到飞
↓↓↓
[如视频无法播放 请退出刷新几次]
谂过报警或ICAC
子华话今日佢嘅团队喊晒口打俾佢,初时以为网上预售销量唔好,原来系黄牛党搞搞震,佢话:我今日为止都冇飞,我个团队冇人有飞,佢哋已经有飞,因为佢哋有“内部嘅渠道”。子华话,本来有谂过去报警或报ICAC,但系又冇线索可以去举报。
接受世界系唔完美
对于有网民留言指黄子华「又食又拎」,即系话佢又卖飞同卖黄牛,子华话明睇到好激动。
子华话,团队中有D人会喊,其中一个原因就系觉得好委屈。大家都好辛苦去准备一个表演,然后就系一D完全唔需要去付出嘅人,去卖一倍,两倍,三四五六七倍嘅价钱,令一D好长期支持你嘅fans去承受呢D价钱,一路都好接受世界系唔完美,但系咁系太过不完美,系太过离谱!
子华呼吁有关部门正视黄牛问题,同时又呼吁大家唔好买黄牛飞:「唔好买!即系如果我做show有一堆空,最前果D空晒,如果我见到好多场都系咁,咁即系证明好多人可能冇买黄牛。可能咪做番一、两场补翻俾呢D观众!
抵制黄牛!
支持子华!
联系客服