今天是吳越小豬陪伴大家的第 2297 天
脚踏车情结
作者:吴道富
来源:新民晚报·夜光杯
改编、朗读:何秀萍
指导:丁迪蒙
(朗读者近照)
脚踏车,是上了眼年纪个人对自行车个叫法。
上个世纪五十年代,脚踏车比现在个小汽车还吃香,一般人家侪买不勿起个。小人眼热脚踏车,有地方可以租车个,每个钟头2角洋钿。我曾经租了来白相过,车大人小,只能手把龙头,左脚踏板右脚发力后蹭,特别注意平衡慢慢叫踏。后来进了一步,拿右脚穿过三角架踏辣踏脚板浪,左右脚交替上下踏动,总算是可以离地而行了。再后来学“死上车”,就是车停勒海,坐稳以后再起动,“冒充”会得骑好。期间,哪阿里摔掼倒阿里爬起来个苦头也没少吃,最结棍个,要数“会骑”以后,明明看清爽前面头街沿树木,但就是捏勿牢刹车,硬碰硬撞上去,震得上身、下身搭仔四肢又痛又麻。好勒比较多个是夜到,伊个辰光车少人稀,侪没大问题。读中学辰光,高年级同学金耀林,伊是上海篮球个名宿,踏细轮子个跑车,偶然勒操场浪炫耀车技:龙头转过来车身垂直,左脚摆勒踏脚板浪,右脚揿牢前轮盘,稳坐勒车子浪吃阳春面。技惊师生,真是可叹!交关人像去模仿伊,侪是一败涂地。搿奇妙个一刻更加增进了我对脚踏车个痴迷。会得骑踏了以后,我借了邻居个车子勒闹市个小弄堂里踏,视角独特个阅景乐趣,至今想来还有“春风得意马蹄疾”伊种甜滋滋个味道。从此,我就迷恋上了脚踏车。
搭脚踏车搭“失恋”,是我辣四川内江市工作个伊眼年数。搿只山城极邪气少看得到脚踏车,我曾经想办法借了一部脚踏车,想过过念头个,推车子上坡真叫是吃力呀,下坡滑行当然是邪气爽快啊个,饱尝了甘搭仔苦。沿牢沱江下坡邪气紧张,捏牢刹车个双两只手汗津津个,生长常怕控制五牢做了汆江浮尸。
调回上海工作以后,单位辣勒大柏树,屋里却是住辣勒徐汇,我以“永久”代步,虽然要踏一个钟头,但辰光可以控制,马路浪景色也蛮好,又有益于身体,何乐勿为呢?当然,难堪个事体总归会得有个。伊年秋天,早上浪向还是天高云淡,下半日风一记头老老大,我着个衣裳肯定是搪勿了寒风个,哪能办呢?我急中生智,寻到一个只大好塑料袋裹辣胸前头,再缚辣勒裤子里向,外头着夹克衫,保暖而勿露丑,到了屋里向胸口头还是暖烘烘呢好。
“永久”伴我退休,但是退而不勿休,还是常庄伴我出行,搿就要讲开头个事体了。一位车友,前几天日踏车子直行,近十字路口个辰光,有一个人不勿打手势,突然超车、转弯,后轮撞到前轮浪向,车友掼勒地浪,手腕骨折,到现在石膏还没拆脱。搿起事故,警示踏脚踏车个人一定遵守交规,搿个是邪气必要,邪气重要性个!
现在,上海走魔都之誉,脚踏车也是一道闹猛个景致,共享单车多如牛毛,自备脚踏车更加多。但愿大家侪严格遵守交通法规,让流动搭仔文明同辣在,踏车子搭仔愉悦共飞,搿个,也就是我个脚踏车情结。
联系客服