涯叫客家话,系客家人嘅母语。有人话涯系周朝嘅国语;有人话涯系在春秋战国时期形成嘅;也有人话涯系唐宋遗音……其实涯自家也唔知自家嘅身世,涯只知得,自有了客家人之后仗有了涯。
曾经,涯同客家人有一种密唔好分嘅关系。十分久十分久以前,客家人一直都过着颠沛流离、毛家可归嘅生活,但系其兜人唔但毛丢掉涯,反而将涯当做了掌上明珠,带涯走遍大江南北,涯嘅影响力从而逐渐扩大,特别系在以客家人为主体嘅太平天国时期,涯更发挥得淋漓尽致,流行一时。
但系后来,随着太平天国嘅失败,涯开始渐渐走向毛落。客家人四处逃亡,逃到哩一只只陌生荒凉野蛮之地,开始了其兜人嘅新嘅生活。然而,其兜人渐渐将涯丢开哩。先前,涯还可以到外头光光相;但系后来,涯却成了家庭语言;到哩今下,除了一两块相对独立嘅方言岛外,涯成为了快爱灭绝嘅语言。
今下涯已经面临巨大嘅危机。在中国,涯唔但受到哩普通话嘅侵蚀,而且受到哩广州话、闽南语、四川话、赣语、湘语等多种汉语方言嘅侵蚀。涯就像一片桑叶一样样正在奔其周边文化蚕食,为数唔多嘅客家方言岛正在沉毛,时至今日,涯已经变嘅面目全非了。相当一部分客家人将涯丢在一边,其兜人开始忽视涯,嫌弃涯,抛弃涯。而诶兜客家人唔少已经改为其他方言了。在香港、澳门、海外,涯快爱灭亡了。在台湾涯虽然也面临灭亡嘅危险,但系客家人已经开始保护涯了,涯成了保护嘅对象,唔仅在公共场合可以听见涯嘅声音,而且涯已经走进了电台、电视台,也有了涯嘅流行歌曲。涯相信涯会在台湾生存落去,并且得以推广。
在大陆,涯一样样面临灭亡嘅危机,可悲嘅系毛几多客家人将涯当作一回事。其兜人有嘅以为涯低俗、唔好听,其实唔咩嘅,涯十分优美,每一种语言都十分优美,只系客家人毛去挖掘发现而已。大陆嘅客家人,涯想对你兜人话几句,涯面临灭亡嘅危机,但系有几只客家人看到哩?有几只客家人感到母语嘅丧失系客家人嘅悲剧同耻辱?现实生活中,有几只能够以讲涯为时尚?客家人都羞答答难于齿口,诶嘅确让涯感到十分嘅悲哀。
更让涯感到伤心嘅系,每年涯嘅流失人口为世界第一,每年大约有5%嘅速度在流失。但系十分多客家人都唔以为然,十分多嘅客家后生们都唔寺涯了,其兜人已经改为其他嘅方言,将涯丢到哩一边,涯就像一只奔其关在笼子里嘅雕哩,飞唔出去,只有在其兜人欢喜嘅时候仗会逗逗涯,但系涯已经毛了自家嘅生存空间,话实在话,诶生存空间本来客家人系完全可以给予涯嘅,但系其兜人毛奔,反而将涯封得严严实实嘅。诶也意味着涯唔咩死在别人嘅手里,而系死在客家人自家嘅手里……
如果涯灭亡了,毛疑意味着客家人集体嘅“失语”,客家民系也将迷失航向,前进嘅道路上再也毛光明嘅路标可以指引——介将系客家人最大嘅耻辱。诶系涯嘅呐喊,诶系涯嘅自白。涯叫客家话,涯也有尊严,涯也爱有自家嘅生存空间。涯爱告诫所有嘅客家人,涯系你兜人嘅母语,你兜人唔能够将涯抛弃,你兜人也唔能够放弃,因为涯还有一线搏。涯相信涯将会变嘅流行起来,只爱你兜人能够奔涯一只生存嘅空间。
联系客服