沪语朗读：孙维陵
朗读者
鱼仙人、眼仙人、蟹壳里仙人（上）
作者：薛理勇
沪语改写：丁迪蒙
朗读：孙维陵
花鲢是民间对一种鱼个称谓，伊规范个名称叫做鱅，也叫做鮓。李时珍《本草纲目》：“此鱼中之下品，盖鱼之庸平供鮓者，故曰鱅、曰鮓。”意思是，搿种鱼个口感平庸，所以拨叫做鱅鱼，口感勿佳个鱼一般腌制成为咸鱼，于是又叫做鮓（鮓是腌制过个鱼），当然，其形状似鲢鱼而鱼身略带红色，江南一带称之为花鲢。
的确，鱅是我国主要个淡水鱼品种之一，产量邪气大，由于其肉质松、口感差，只能是穷人个口福，一般勿上台面。鱅鱼个头老大，几乎占了半只身体，于是，江南一带又称伊为“胖头鱼”，胖头鱼个头口味勿错，大概也是唯一个一种鱼头价格高于鱼身个鱼，勒上海个菜市场，假使整条胖头鱼个价钿是10块1斤，摊主把鱼头斩开来卖，葛末，鱼头可能可以卖到15块1斤，剩下来个鱼身几乎就没人要，只好卖得邪气便宜，大概卖5块洋钿1斤伐。
以前个上海人一般拿胖头鱼汏清爽以后后切成两半爿，摆到油锅里向去煎成金黄颜色，然后起锅，再留适量个油勒镬子里，摆葱姜进去煸炒到有香味道了，再拿鱼头、粉皮（也可以用粉丝替代）摆到镬子里去，再加眼酱油，一道调到砂锅里向去，然后用大火烧开，再改成小火慢慢叫笃，欢喜吃辣个朋友可以摆眼干辣椒。上海人称之为“砂锅鱼头”或者是“粉皮鱼头汤”，浓油赤酱，有鱼、有汤、有粉皮，味道交关好。
江苏常州个天目湖，野生或者养殖个特大胖头鱼，若干年前头，以天目湖个胖头鱼为原料个“谭家鱼头”、“天目湖鱼头”进到上海，改变了上海传统个浓油赤酱个做法，勒汤料当中增加了竹笋、菌菇之类，适合当今上海人个口味——清淡。不过，我仍旧欢喜传统个浓油赤酱个“粉皮鱼头汤”。
进入上海个川帮、湘菜厨师习惯制作个所谓“剁椒鱼头”，制作勿难，拿胖头鱼斩成两半爿，铺勒盘子浪向，再拿腌渍个剁椒大量个撒上去（交关餐馆直接用从超市里买得来个“红翻天”腌渍红椒），摆勒邪气旺个火浪向去蒸。蒸熟就好了。勿少饭店贪图省时，常常会拿交关鱼头同时摆到蒸炉里去“集体桑拿”，需要个辰光就拿一只出来，撒眼剁椒就上台子了，搿就变成了“鱼头蘸剁椒”，味道要少交关。
吃胖头鱼个乐趣勒勒认真，仔仔细细拆骨头，慢慢叫个品尝；另一个乐趣就是：上海人人人侪晓得个白相，但是呢，又讲勿出啥个名堂个——掼鱼骨头。
点以下文字即可听到精彩回放：
图片来自网络
联系客服
