沪语朗读：余颖
作者：蒋荣贵
沪语改写、朗读：俞颖
厦门个鼓浪屿，我呒没去过，心里一直想去。以前，只是听听《鼓浪屿之波》个歌曲，一家头陶醉勒勒感人个旋律之中，想入非非，难以自拔……。
今朝，我融入了摩肩接踵个人群，来到渡口，排勒勒密密麻麻个队伍当中，乘勒中型客轮浪，朝海水中央个鼓浪屿开过去。我勒心里向激动个讲：鼓浪屿，我终于来到了侬个身边！一上岛，阿拉一队人，就勒鼓浪屿个内厝澳码头，拍了张集体照，然后，大家沿勒环岛路，一路游览，重点白相了几只有名个景点；我化了50元洋钿乘了一辆环岛游览个电瓶车，讲好可以下车拍几张照片个，勒菽庄花园近海个石曲桥浪向，“咔嚓、咔嚓”拍了6张带有海滩、游客、绿树成荫个花园别墅咾啥为背景个彩照，然后，我立勒勒钢琴博物馆附近个海边，远远叫个望过去：碧波细浪、一碧万顷、平静如画、台湾海峡个埃头，心潮难以平复！——
我想到了著名诗人余光中个名诗《乡愁》，……“我勒搿头，大陆勒埃头”，……。乡愁、乡音、乡情，哪能可以拨搿狭长个台湾海峡所阻隔！耳朵旁边好像又响起了张藜词、钟立民曲、李光曦唱个“鼓浪屿之波”：鼓浪屿遥对着台湾岛，台湾是我家乡。登上日光岩眺望，只见云海苍苍。我渴望，我渴望，快快见到你，美丽个基隆港。……”我想到了台湾著名个诗人金筑搭我《东方民文》交流个情景、我想到了我屋里向囥勒海个林焕彰、林良、麦穗等诗人个藏书，真是见字如面啊;我想到了我曾经勒台湾个《世界论坛》报、《葡萄园》杂志浪发表过个诗作，我也曾经为大陆撘仔台湾民间个文化交流，尽过一份绵薄之力！心里有一种难以控制个激情，就像海浪簇拥勒海，激荡勒海，我祈盼：可以早日实现两岸血肉同胞，大团圆个夙愿！勿要嫌比我啰嗦，血浓于水！血浓于水！血浓于水啊！重要个事体讲三遍。因为，福建撘仔台湾，仅仅是一衣带水啊！
搿静如处子个海浪，搿游人如织个海滩，搿曲曲弯弯个石桥，侪拨一泓台湾海峡个海岸线，勾勒出绮丽个鼓浪屿！拨人留下了深刻个印象。
离开了迭个海边，我所搭乘个观光游览个电瓶车，勒我个要求下偷，只是远远个勒抗荷英雄郑成功雕像个侧面，拍了一张照片，就匆匆拿日光岩、陈嘉庚个校舍、厦门大学等景点，一笔带过。有句闲话讲得好：再尽善尽美个物事，还是留下一点遗憾为好！……。环岛游就搿能结束了！再会了，美丽个鼓浪屿！
往期回顾：
“上海言话讲起来”旨在传播沪语，若有不当之处，敬请留言指正。
感谢您的支持转发，欢迎关注本公众号
联系客服
