沪语朗读：丁宁
来源：网络
沪语改写：徐民锵
朗读：丁宁
一、《深刻》
刚刚勒电梯间里看见一个小囡勒海吃雪糕，出于关心，就顺口搭伊讲：“介冷个天，要吃出毛病来个！”
小囡搭我讲，个阿奶活到了103岁。我就问伊唻：“伊一直吃雪糕个？”伊回答我：“勿是个，阿拉阿奶从来勿管闲事个！”
啊呀！我真个恨勿得挖只洞钻下去！现在我终于晓得了为啥自家老得介快了！瞎操心呀……
二、《心真个衰瘏呀》
现在骗子真个多呀，刚刚又勒新闻里向看到，储户个存款莫名其妙消失了，几十万块勿翼而飞。
我实在是急煞了，马上踏了脚踏车冲到银行里，来煞勿及到自提柜去插卡、输密码看看看，哦哟还好呀，8块洋钿还辣海，葛再松了一口气。
真个气煞我了！以后再也勿看新闻了，心里向是在是衰瘏呀！
走出银行一砍，乃末好唻，心是更加衰瘏唻！卡里向个八块洋钿倒勒海，部脚踏车拨偷脱了呀。
三、《不要急》
老阿姨早浪向到广场去散散步，看到有个老头子拿勒枝海绵笔，沾了水勒水门汀地浪写大字，就去轧闹猛看。
老头子看了老阿姨一眼，拿起笔写了个字“滚”。
老阿姨心里勒想：有啥个了不起，看一眼侬个字至于搿能伐？……
老头子又看了老阿姨一眼，接下去又写个“滚”。
乃末，老阿姨再也熬勿牢了，跑上去就是一脚，拿老头子踢到地浪向去了……
警察跑过来了，问搿是哪能桩事体，老头子哭出呜啦个讲：“我就想写一句‘滚滚长江东流水’，刚刚写勒开头两个字，就拨搿个神经病踢到地浪向去了呀”。
所以呀，各位朋友，随便啥事体侪勿要急！
四、《摒牢》
一个姑娘乘上了高铁，看到自家个座位浪向有个男人坐勒海。伊核对了自家个票子以后，邪气客气个讲：“先生，侬坐错位置了伐？”搿个男人拿出票子，喉咙叫得三板响：“侬看看清爽，搿是我个座位，侬阿是眼乌子瞎脱啦？！”姑娘仔仔细细看了伊个票子，勿响了，不过还是立勒伊个座位旁边。过脱了一歇歇，火车开了，姑娘低下头来轻轻叫个搭男人讲：“先生，侬个座位是呒没错，但是侬坐个车子错脱了！搿部车子是开到上海去个，侬个车票呢，是到哈尔滨去个。”
有一种摒牢，叫做让侬后悔也来勿及，假使胡咙响能够解决问题，葛末，小毛驴老里八早就可以统治全世界了呀！
图片来自网络
往期回顾：
“上海言话讲起来”旨在传播沪语，若有不当之处，敬请留言指正。
感谢您的支持转发，欢迎关注本公众号
联系客服
