“难弄”个上海人

沪语朗读：陆漫真

“难弄”个上海人

来源：夜光杯

作者：何菲

沪语改写、诵读：陆漫真

文字修正：边秦翌

推荐：丁迪蒙

上海人个“难弄”，根源勒勒理性、自律、坚韧搭仔挑剔。

看一个人个书法作品，假使每一笔侪写勒点浪，其伊个个性必定是勿大好弄个。我个老师迭能介搭我讲过。

伊讲上海人难弄，同样难弄个，还有苏州人、宁波人，绍兴人。迭种难弄，并勿是贬义词，其褒义成分是勒整个江南得到充分个培育搭释放个，可意会，勿可言传。

我觉着，上海人个难弄根源勒勒理性、自律、坚韧搭仔挑剔。伊拉尊重个，是始终把握牢方向盘、掌控牢生活局面个人。就算局勿算大，格也勿能低。

上海人多半具有极为理性个思维方式搭行事风格，感性是花絮，为理性服务。单凭感性打动勿了伊拉，理性使得上海人勒管理公共事务辰光井然有序，包括入学、就医、突发事件等等，并尽可能个做到公平、冷静合理。上海人普遍反感没有、节制，安全搭品质是伊拉个底色。伊拉老拎得清个，勒自家个阶层搭仔伊个圈子当中往来，保持勒客气而默契个距离。伊拉懂得浸淫勒都市个节奏、氛围、人情世故里，也会勿断提醒自家。

《三十而已》里向，海漂柜姐王漫妮注定勿是上海女人，伊思路勿清，勿懂得阶层是个过滤器，灰姑娘嫁王子是小概率个事体，只具备美貌搭仔欲望而勿具备背后资本与资源就想嫁入豪门，是半殖民地半封建社会老式女人个臆想。勒魔都，普通舱客人与商务舱贵宾个交集最多只是金风玉露一相逢。而上海女人则有一种天然个悟性和超脱，勿会以平民之心度豪门之腹，也勿大会拿与大佬或顶流人物个交往作为拔高自家个谈资。迭座城市可以让人见识到个人和事体忒多了，上海女人拥有最多个就是经验和前瞻力，迭个让伊拉身心波澜不惊。

搭上海人成为朋友并勿容易，但一旦成为了朋友则是相当可靠个。平常相忘于江湖，碰到事体但凡有托，侪是十分到位。伊拉答应个事体，极少失信于人。勒人际交往浪向，上海人个规则感明镜于心。A通过B认识得了C，第一次假使A与C之间有可能产生利益关系个联系，A仍旧会得通过B找C，至少事先会让B晓得，而勿会私自僭越。上海人有得心照不宣个生活秩序和内心规范，伊为侬做事可以勿谈回报，侬请伊做事体却必须有所表示。上海人知恩图报，但报答勒以后，彼此心理浪就扯平了，日后交往依旧平等而轻松，假使一方一直抱牢仔施恩于人个优越感，就属于拎勿清了。简而言之，伊可以对侬曾经提供个帮助念念勿忘，而侬就应该是往事勿再提了。

上海人注重事体个可操作性，注重事半功倍个方法和实施细则，蛮少空谈战略，但是对战术问题考虑细致，常常能让对手勒阴沟里向翻船。上海人讲礼数，懂世故，勿招摇，注重得体，不过也希望让人晓得：自家是来三个，伊拉分寸与温度复杂而微妙，动态且演进，勿容易描述与定义，却是魔都人文魅力个精髓部分。里向个劲道、门道，可以讲是上海之道，包含大量个为整个江南谱系所珍视个智商，情商，美商因素。

难弄个上海人，其实，侪是明白人呀。