士佳 / 做過一個統計

中長線有買貴無買錯
另外，士佳亦做過一個統計，就是美國新任總統上任第二年的 10月至兩年後的 4月，美股都獲得淨回報，若然此趨勢繼續，現階段買貨揸到 2012年的 4月亦應有回報，因此，士佳認為現階段買貨揸一至兩年應問題不大，只要不會被輕易震走即可。
但若投資者想以較低位入市，筆者覺得應該可以等一等。大市 9月份差不多由頭升到尾，本欄之前提過出現此形態後，下月通常難以大升，而且大市月線圖上出現裂口上升，以往只在 1986年曾經出現一次，當然我不知今月會否再次出現這罕見情況，不過自己就唔會博，這個裂口位在 22472至 22480，若然回補會有 400多點跌幅，不算多但起碼到時買貨會更安心。除此之外，本欄曾提及大市在黃金交叉後（ 50天線升穿 250天線），雖升勢確定，但始終要回試 50天線，過往當大市再逼近 50天線時的買入價，多比見黃金交叉時便買入為低，因此士佳會繼續趁高減點貨，吼低才回補。