对于迭个地球村浪个历史唻讲伐，曾经拥有过四大文明古国，勒迭四大文明古国当中，也唯独中华文明、文化搭历史是属于传承有序连绵不绝个，而且还是属于邪气博大精深多姿多彩个哦。勿单单是迭能样子个，勒中华文明、文化搭历史当中，既拥有阳春白雪文化，又拥有下里巴人文化；既拥有精华文化搭文明，又拥有糟粕文化搭文明；各种方言“骂人”闲话搭国骂，就是属于下里巴人搭糟粕文化！
为此，也只为能更好个说明情况，就让吾唻列举迭个方面个例子。比方讲：“国骂”个口头禅就是“他妈的”，要是写成汉字，则拨简写成为“TMD”，大家侪是晓得明白个；“京骂”北京人则欢喜讲“傻B”搭“二货”；浙江宁波人个口头禅是“娘希匹”；江苏苏北人个口头禅是“啊呦喂，吾勒块里嘎妈妈”……要是讲还要去举例各地方个骂人闲话，还能去列举出一大堆唻个，真个可以讲是不胜枚举。
既然是讲到各个地方个骂人闲话，就覅能覅去讲讲吾所在城市上海市个骂人闲话，吾是一个土生土长个上海人，有一段辰光上海人顶欢喜讲个一句口头禅就是“册那”，吾看有人拨迭个词眼写成汉字时，也有人拨“册那”迭个词眼写为“删那”迭个词眼个，迭个词眼是沪语闲话当中，可以讲是常桩用个发泄词。有覅少个上海人，勒讲任何一桩事体搭故事个辰光，开口闭口就拨迭个词眼先讲出唻，要是讲迭个词眼覅事先去讲出唻，伊本人接下唻个闲话就覅晓得哪能讲。
勿单单是迭能样子唻，吾通过查到个相关资料以后，就让吾发现有迭能个一个问题，就连浙江温州地区也会去使用迭个词眼个，温州人勒讲迭个词眼个辰光，所要表达个意思就是表示是邪气一般个，多多少少对对方是有一眼看覅起个味道勒其中。比方讲：某个温州人勒吹牛个辰光，另外一个温州人就会表示迭个人是属于邪气一般个，就会开口讲： “册那，伊算啥，老子比伊还要唻三哦！”温州人为啥事体会使用迭个词眼呢？！侪是因为伊也是属于吴语方言体系个。
上头一段个闲话，伊到底又是勒讲一眼啥么事？！伊个意思就是勒讲，某个人做人只会吹牛，就是覅唻三个，吾要比他或她好。
实际浪向像“册那”个迭个“册”字：顶顶正确个写法搭文字应该是“戳”，伊个意思就是指用既硬又尖个物体（端）去触击，还勒俗常使用中也可发“册”迭个音，原因就是直接就去使用“戳”迭个字，就显得太直接粗鲁交关覅文明，所以用近似个发音唻代替。
像“册那”当中个迭个“那”字：伊顶顶正确个一个写法搭文字，就应该是迭个“㑚”字，伊个读音就应该是读作“（nuó）”哦，就是因为勒吴语地区，伊个方言文字搭方言读音，勒吴语地区个发音当中，“㑚”等同于迭个“那”字，两个字个发音侪一式势样个，伊属于“倷啦（你们）”个连读发音，伊表示第尼人称复数，你们。
就勒每一家企业搭覅同企业个里向，是覅需要多去讲一眼啥么事个，自然会拥有覅同个部门，伊拉还会拥有共有个一个部门，迭个部门就是财务部门，勒财务部门当中，通常又会拨分成为两个岗位个，一个岗位是“会计”，迭个岗位是管账目个，另外一个岗位就是“出纳”，迭个岗位是管铜钿以及支出个，勒讲讲上海方言闲话个辰光，因为“出纳”个读音，实则搭“册那”个读音侪是一式势样个。
某些金融方面个专家，经过长辰光个研究，发现有迭能个一个现象哩，相比国外唻讲伐，吾伲国家个各类金融业，各种金融技术并覅是属于交关发达个，就算是“时光”个迭部列车，走到20世纪90年代末期个辰光，科技、网络、金融虽讲也算是勒迅速发展搭前进哦，各种类型个银行，也是有推出过代替企业代发工钿方面个业务，只拨过，勒覅少单位或企业个里向，发工钿基本浪以铜钿形式为主！
吾至今为止依旧还能清爽个去记得迭能个一桩事体哩，辰光勒1998年上半年个辰光，吾勒某技术学堂做实习生个辰光，起码要有半年个时长，每个号头去申领实习工钿个辰光，也同样是要发放铜钿个，一到申领工钿个那一天，大家侪会去财务部门领铜钿个，那些老员工也同样是迭能样子个。有一些老员工等申领好工钿以后，就会采用沪语方言开口唻讲道：“出纳（册那）迭个号头铜钿哪能嘎末介少啊？！”还有些人就会开口去讲道：“出纳（册那）每个号头一塌刮子就迭眼眼死工钿，侬哪能老是要板板六十四去计算老半日啊？！”……
上段沪语方言闲话个意思就是勒讲：吾伲普通员工就拿那么一眼眼个死工钿，侬已经盘算有老半日，依旧还呒没拨铜钿算清爽。
吾仍旧能清爽个去记得迭能个一桩事体，勒半年个辰光内，勒财务部两位财务人员两趟拨两位老员工个工钿搞错勒，勒其中个一个人，伊本人就直接冲到出纳处，起先是有商有量对出纳（册那）用沪语方言闲话唻讲道：“出纳（册那）侬今早仔拿吾迭个号头个工钿侪是拨弄错忒勒，少拨吾覅少铜钿，顶起码要少拨两三百块，请侬马上去搞搞清爽，侬少拨铜钿要去补齐个！”等过一段辰光以后，开始哇啦哇啦搭出纳（册那）讲道：“出纳（册那）侬拿吾个工钿搞错忒勒还要死覅承认，去硬装啥个斧头柄讲自家呒没弄错忒，侬哪能好去拣佛烧香，欺软怕硬，看吾平常日脚覅大响个，一副老实相，覅大愿意搭任何一个人去多讲一句废话，吾就拨侬迭能样子唻欺负啊！”……
上段沪语方言闲话，伊个意思就是勒讲：因为出纳（册那）拨某一位员工个工钿搞错忒勒以后，自家还打死侪覅肯承认自家个错误，员工就气呼呼个讲，覅要因为侬看“吾”是一个老实人，侬就可以欺负“吾”迭个老实人，侬要是覅拿少拨“吾”个工钿补拨“吾”，“吾”也并覅是属于那么好惹个一个人，“吾”一定会对侬覅客气个。
个人是迭能唻理解、认得并去认为个，覅管哪能讲，“册那”迭个词眼毕竟是属于覅大文明个用语、是脏话词眼，只为避免言语覅够文明，下头但凡是波及“册那”词眼个，一律用“CN”唻替代。
据相关个语言专家考证，“CN”是属于吴语地区特有个方言词眼，其他地方是呒没迭个词眼个，就勒最初个辰光，大家也只是就去讲讲“CN”迭个词眼，只拨过勒某些人个内心深处，总归觉着还是少一眼么事个。于是，又勒“CN”后头陆陆续续去添加有覅少个词眼。
某些覅大文明个人，还侪会欢喜拨“娘”字一道带进唻。比方讲：就有“嵌字法”--吾CN嘎娘；“添字法”--吾CN娘起哩；“嵌字添字法”--吾CN嘎娘只B起哩……语言发展到顶后头，顶多个辰光连着去讲六个字语，还有两种讲法个，而且讲得邪气多个，覅是勒讲讲：“吾-C-N-娘-嘎-哩！”就是勒讲讲：“吾-C-N-娘-只-B！”
勒上段文字当中迭个“B”字，实际浪向侪是“逼”字，据讲勒20世纪个20年代时，大文豪鲁迅先生对于某些文人或覅文明个人是不屑一顾个，只因像迭能个一类个人或人群，动覅动就会主动去联想到当年“弱势”性别个器官。但凡是勒吴语地区个人，就勒逐步个互骂当中，还勒实际运用搭操作中，就会先隐去迭个“逼”字个，勒量词当中迭个“只”字，从而也就再也不附存在，改成：“吾CN娘”。
迭个吴语词眼，勒刚刚开始个辰光，只是作为一种口头语（禅），到底是谁勒操谁个对象，也就变得邪气模模糊糊。还勒通常情况个下头，吴语地区个人，勒讲闲话个辰光，也侪会去承袭一般个口语规律，还常桩性会去省略忒某些主语，因此就会演变成为三个字，讲道：“CN娘。”一旦勒讲讲迭句闲话个辰光，要是讲一直是“拖娘带口”，而且迭种习惯覅肯去更改忒，始终是覅大雅观、覅文明个一桩事体，还会让人觉着邪气别扭，就会删去“娘”字，“CN”就相形而出。
还有一眼也同样是需要去讲清爽个，就勒吴语方言闲话当中，“乃”字发音同样是可以读成“那”字，因此“CN”就勒某些辰光还可以拨写成为“册乃”，迭个“乃”字就表示“你”“你们”或“你们的”等等。就勒拉格抢里，伊个宾语就变得邪气暧昧哩，去操啥个人是呒没目标个，勒有些辰光还会让人丈二和尚摸不着头脑个，聪明个上海人就再去精简精简省略省略，拨原先“CN”后头发明出唻个各种词眼，通通一道去精简省略忒，干脆直截了当就去讲“CN”迭个词眼。
“CN”迭个词眼，伊勒最初发明出唻个辰光，是当做骂人闲话唻使用个，就是属于覅大文明个粗鲁方言闲话用语，对于某些文明个人、层次高尚个人唻讲伐，则是交关覅屑于去使用迭个粗鲁词眼，要是有人使用迭个词眼，就会拨那些邪气文明个人，翻白眼看覅起个！
辰光一长久而久之长此以往下去，时光走到今早仔，“CN”迭个词眼，既并覅是真个要去操某人，也并覅是勒骂某人。上海人勒讲讲迭个词眼个辰光，是拨伊当做语气助词唻运用个，反而拨演变成为“调侃”“自嘲”搭“强调”等意思，唻表达自家所要去表达个一种情绪。“CN”就好比是今早仔国语当中所讲讲个“卧槽”搭“我靠”。
伴随着时代个前进搭发展，像上海地区个“方言闲话”搭“语言”，也是勒覅断前进、发展搭变化个，尤其是对于“语言意识”唻讲伐，就慢慢较、一眼一眼个勒上海人个心目当中逐步展现壮大起唻，只为防止引起覅必要个矛盾搭误会个辰光，就此勒沪语方言“CN”个基础上头自动去添加一个主语，所添加个字就是迭个“吾”字，就称之为“吾CN”，为啥事体要迭能样子去操作呢？！迭能一种做法，就能明确表示自家，既并覅是勒调侃任何一个人，也覅是吾勒辱骂任何一个人哦，吾顶多就是讲，吾现在只拨过勒发泄一下情绪罢了！
像“CN”迭个词眼，吾顶早又是勒啥个辰光听到个呢？！吾侪是勒自家读小学个辰光。吾仍然还能清清爽爽个去记得迭能个一桩事体唻，就勒掰搿辰光，吾个尼姨妈倪榴英是交关欢喜吾个，每年只要是一到放暑假期间，伊常桩性会带吾到伊个屋里向住忒一段辰光。
尼姨妈倪榴英一共生育有两个囡鱼，大“囡鱼”（女儿）叫“沈清”，吾伲侪叫伊小名“清清”，小囡鱼（女儿）叫沈燕，吾伲侪叫伊小名“小燕子”。【备注：“囡鱼”是沪语方言闲话，伊个意思是指女儿。】两人相比较而言，大囡鱼从唻呒没去讲过一句脏话搭粗鲁个闲话，小囡鱼会勒某些辰光，尤其勒读初中个辰光，就会脱口而出去讲讲一眼脏话搭粗鲁个闲话，“CN”迭个词眼就是听伊讲拨吾听个，辰光一长久而久之，勒某些辰光，吾也竟然会去讲讲迭句脏话个。
孔子讲过迭能个一句闲话，讲道：“十岁不愁、二十不悔、三十而立、四十不惑、五十知天命、六十耳顺、七十古稀”……只因吾难板也会讲“CN”迭句脏话，就勒有一趟，辰光大概是勒20多年前，勒吾不悔之年，掰搿辰光吾刚开始上班，碰着休息日勒屋里搭大吾五岁个亲大哥陆明嘎讪胡（聊天），有讲过“CN”迭个词眼，就勒辣末生头，拨自家个亲大哥喫过一记耳光个，还用沪语唻讲道：“吾迭能做就是勒为侬好哦，侬从今往后覅好再去讲迭句脏话，一旦养成迭个坏习惯习惯成自然，侬走到社会上去讲迭句脏话就会喫亏个！”……迭段沪语方言意思是讲：讲脏话习惯成自然，到社会浪会喫大亏个……
【备注：①：文章为作者原创；②：各种沪语方言图片侪是唻源于网络上头；③：万分感谢原创图片。】
杜老倌侠客居（陆伟）写于2020年04月18日礼拜六夜里向
联系客服
