勒拉迭嗰前头,笔者已撰写过两篇叫做《如风往事之——闲话关于剃头发这件事情》搭《如风往事之——閒话关于剃头发迭桩事体》呃文章,始终觉着还有得一眼眼意犹未尽呃咪道勒拉里向,还总觉着缺少嘞一眼啥呃么事,还有閒话呒得去讲讲清爽,还是有得閒话可以拿出唻讲一讲呃,因此,本人就决定再撰写一篇剃头发呃文章。
本人是土身土长呃上海人,勒拉国语閒话当中,搭“理发”有得关系呃词语,勒拉上海呃方言俚语閒话当中,是迭恁唻讲呃,会演变成为三组词语,伊拉分别是指:“剃头发”、“剪头发”搭“汏头(发)”。其中“汏头(发)”就是指“洗头发”,勒拉一般情况下头唻讲伐,一些上海女性同胞侪会得去使用迭嗰词语,而且使用频率是唻得邪气频繁呃。譬方讲:有得两位交关熟悉呃女性同胞,相互之间勒拉马路哴向碰着嘞以后,互致问候嘎讪胡呃辰光,其中一位会得开口去讲道:“今早仔吾么要去剃头店汏汏头。”意思是讲去理发店美容美发。
本人出身于20世纪70年代呃末期,所以就畀大家叫做“70后”,正因为是迭恁样子,自家对于剃头发迭桩事体唻讲伐,记忆最清爽呃就是——但凡是从吾伲年代走过唻呃人,而且年龄搭本人相仿、相差无几呃一代人,也是有得经历过计划经济迭嗰年代呃,自家经历过计划经济呃年代,辰光少去讲呃閒话,至少顶顶起码也要有得十几年呃辰光唻。勒拉掰搿年代里向呃男小囡,发型几乎讲侪是一色似样呃,青一色呃板寸头。剃头发到耳朵根以上,只要整齐干净就好嘞。
回过头唻想一想,自家还发觉迭恁一嗰问题,勒拉计划经济呃年代里向,凡是搭本人年纪差覅多呃男小囡,基本哴向侪是去剃板寸头呃,绝对覅会得去剃其他类型呃发型呃。为啥吾伲侪是要去剃迭恁样子呃一嗰发型呢?!僎因为是爷娘要求吾伲迭恁去做呃!只因为勒拉吾伲伊嗰年代里向,还处勒拉计划经济时期,勿单单爷娘呃收入是有限呃,而且每家每户呃收入侪是相差无几呃,更何况上海人侪是会得精打细算去过日脚呃。一样去剃头店剃头发呃閒话,每趟仔去剃一嗰板寸头呃閒话,多多少少就恁减少去剃头店呃趟数,畀屋里厢省忒一眼铜钿,以便恁畀省下唻呃铜钿用勒拉其他需要用铜钿呃地方。
勒拉老底子、勒拉本人呃小辰光,经常性会得听到老辈呃人去讲过迭恁一句閒话唻,曰:“有力长发!”意思是勒拉讲:力气大呃人,头发长得邪气呃快。虽然本人从小到大力气并覅是邪气大呃,但是头发也是长得交关呃快,剃头发基本哴向保持最少三嗰礼拜一趟。
为啥自家最最少一到三嗰礼拜以后,就要去剃头发呢?!除忒自家呃头发长得邪气快以外,还因为自家呃头发长得交关硬呃,是属于硬邦邦类型呃,一旦头发长得长嘞以后,就好像是公鸡呃鸡冠一样,而且根根头发侪会翘起唻呃,即便勒拉后唻发明嘞美发用呃摩丝、还即便是使用过摩丝以后,勒拉当天呒事体呃,到嘞第尼天依然如故、头发依旧是要翘起唻呃,所以侪要勒拉迭嗰辰光里向去剃头发。
勒拉掰搿辰光里向,本人就发觉迭恁一种现象,覅晓得到底是啥呃原因,处勒拉吾伲伊嗰年代里向呃男小囡,侪都会得去犯一嗰通病,大家侪是覅大欢喜剃头发迭桩事体呃,对剃头发是交关感冒呃,也侪是交关讨厌剃头发迭桩事体呃。每当等到要去剃头发呃辰光,还只要是听到爷娘勒拉讲:“去剃头店剃头发。”吾伲覅是豪扫逃之夭夭,就是又哭又闹耍无赖,恁避避开就逃避忒,反正是无所覅用其极。
有人讲过迭恁一句閒话,只有女人侪会得采用“一哭”、“二闹”、“三上吊”呃手段……吾伲勒拉掰搿辰光里向,竟然也会得去采用迭种手段唻对付自家呃爷娘哦!勒拉多数辰光里向还要去上演全武行唻,就是要想方设法呃去逃避忒剃头发迭桩事体,实际哴向迭种做法,可以讲是一眼眼也派覅上用场呃,熬到最后一刻,还是要乖乖呃去剃头发呃。呒用归呒用,每趟仔剃头发之前吾伲照样欢喜迭恁吵闹。
勿单单是迭恁样子哦,只要每趟仔勒拉剃头发呃前头,吾伲是属于外甥打灯笼——仍然还会得去故伎重演一下呃,而且还要一趟又一趟呃去做、反反复复呃去做,好像像迭恁样子呃一种吵闹,已然是成为嘞一种家常便饭哦,基本哴向大家侪都是经历过迭种状况呃。
辰光走到嘞今早仔,依旧还恁够清爽呃去记得,就勒拉本人就读小学三年级呃辰光,母亲请药店里向呃同事张金荣(勇)利用上班时呃休息辰光帮本人唻剃一嗰头发,【备注:向母亲问询迭位男同事呃姓名,因为辰光久远呃原因,母亲已记覅清爽最后一嗰字是叫“荣”还是“勇”。】因为本人也是覅大肯剃头发呃,也是邪气讨厌剃头发呃缘故,就搭母亲以及伊嗰男同事大吵大闹嘞一架……正所谓有句老古閒话讲得邪气好呃,曰:“无巧覅成书!”如果采用上海閒话唻讲就是:“眼眼较碰着眼眼较”,哪恁碰着噶末吤巧呃一桩事体,伊天仔有上级领导唻检查工作,发觉迭桩事体后,扣除母亲搭男同事当月呃奖金。
还为啥要叫母亲呃男同事张金荣(勇)帮忙去剃一趟头发呢?!是有得两嗰原因呃,其一就是:一唻么,恁为屋里厢省忒一眼眼铜钿;【备注:真呃是偷鸡覅成蚀忒一把米。】尼唻么,张金荣(勇)伊嗰祖籍勿单单是苏北人,而且伊拉呃祖哴向一直侪都是干剃头发迭嗰行当呃,传到伊呃手里向顶顶起码已经是第四代人嘞,伊是会得剃头发迭门手艺呃,讲一句真心话,而且迭门手艺是邪气覅错呃。伊曾告诉过吾,之所以伊会唻药店做生活,就是覅想再去走父辈们呃老路。
迭嗰还覅好去算点啥呃事体唻,本人勒拉小辰光,也同样是去演绎过全武行迭桩事体呃,曾经自家还去上演过“消地光”迭种邪气覅好呃举动唻。“消地光”迭嗰词语是——上海崇明地区、江苏启东地区、江苏苏北等各嗰地区呃方言俚语词语,迭嗰词语呃意思通常是勒拉讲:有人躺勒拉地哴向耍赖、覅停呃打滚覅肯起唻,辰光交关长呃。
回过头再唻看看迭桩事体,觉着小辰光呃本人真是一眼眼也覅懂事体,就覅应该迭恁唻瞎吵闹呃,害得母亲以及伊呃同事受罚。真呃是覅吃一堑,难长一智哦!只有经历过啥呃是错搭对,侪恁使自家尽快呃成长起唻。经过迭趟教训之后,类似呃错误就呒再去犯过。
仍然让自家记忆犹新呃一桩事体,迭桩事体就是——当自家也长大懂事以后,尤其是自家刚刚开始参加工作呃辰光,每趟仔去剃头店剃头发呃辰光,剃头老师傅所使用呃剃头工具侪是手动呃剃头推子,勒拉畀每一位顾客剃头发呃前头,伊拉还会畀手动呃剃头推子上一眼眼油,还要反反复复呃去捏放夹勒拉手里向呃手动剃头推子,就要让伊发出嘎哒嘎哒、油润般呃声响唻,迭恁样子去做呃目的——就是为嘞要试试剃头推子到底好覅好去使用,也唯有调试好嘞以后,还当剃头师傅自家觉得好去使用呃辰光,侪会安心呃畀顾客去剃头发。
自家勒拉使用手动剃头推子剃头发呃日脚里向、勒拉一年十六趟左右呃剃头发趟数当中,有得一半呃辰光,是去剃头店剃头发呃,另外一半呃辰光,侪是由屋里厢会得剃头发呃亲朋、爷娘呃要好同事以及隔壁邻居帮忙剃头发呃。除忒上头所说呃、母亲呃同事张金荣(勇)帮吾剃过头发以外,还有得三姨妈倪金英、三表姐夫张征西、曾经呃老邻居陈刚大哥,伊拉几嗰人,或多或少侪是帮吾剃过头发呃。
畀过,手动呃剃头推子,辰光一长久而久之,也会出现问题呃,迭嗰问题就是——要是长久呃去使用,会发生夹头发呃覅好现象,像迭种夹头发呃覅好现象,覅止只有一两趟之多,而是频繁呃会去发生夹头发呃覅好现象,迭嗰也邪气有可恁是导致勒拉吾伲伊嗰年代里向呃男小囡,侪是覅愿意去剃头店剃头发呃原因之一。如果讲,会频繁呃去发生夹头发迭种交关覅大好呃现象,绝对是疼得邪气结棍呃一桩事体,因为疼痛得邪气结棍呃原因,还同样是辰光一长久而久之,对于像迭种疼痛之感,勿单单会得去产生一种莫名呃恐惧之感,还会得去形成一种恶性循环,从而就会导致,覅管是勒拉剃头发呃前头,还是勒拉剃头发呃全过程当中,吾伲男小囡眼扳数侪要去吵闹一番呃,就从一开场开始算起,一直要到快结束呃辰光,侪会停止吵闹。
自家还会得去认为,还有另外一种情况,也同样是导致吾伲男小囡覅大愿意去剃头店剃头发。勒拉剃头发呃前头、勒拉剃头发呃全过程中,要去吵闹一番呃。侪都是因为勒拉吾伲男小囡看唻,剃头发呃辰光是“邪气漫长”呃,有得“度秒如年”呃迭种感觉,还如果是碰着交关难剃呃头型,辰光自然而然就会得畀拉得更加长,迭种感觉会随之演变得越唻越强烈,又好似自家勒拉受到刑罚搭惩罚一样。还加上,勒拉剃头发呃全过程当中,时覅时就会得落下唻长短覅一样呃头发触碰到身体哴向各嗰部位里向,既会得让人感觉到浑身上下侪是痒西西呃,而且还有一种束缚感,始终觉着覅是邪气自由自在呃。
等到自家再大一眼呃辰光,去剃头店剃头发呃辰光,已经逐渐呃开始推广使用电动呃剃头推子,就勒拉掰搿辰光里向,电动呃剃头推子侪都是佩带有一条交关长呃电线呃,最最长呃一根电线,四五米眼扳数是有呃,伊可以搭手动呃剃头推子混合勒拉一道去使用呃。
自从发明嘞电动剃头推子,自然要比手动呃剃头推子,唻得便当省力。但畀过,对于一些手艺交关好呃老师傅唻讲伐,伊拉依旧会得坚持去使用手动呃剃头推子。本人也曾向迭些老师傅询问过,为啥伊拉要迭恁样子去操作?!伊拉侪会得异口同声呃唻讲道:“用手动呃剃头推子去剃头发,侪恁够显示出自家呃手艺搭水平哦,只因为手动呃剃头推子,伊呃操作难度要比电动呃剃头推子高出邪气多!”……
还有呃就是,当手动呃剃头推子搭电动呃剃头推子混合勒拉一道去使用呃日脚里向,男性或者男小囡剃板寸头呃辰光,眼扳数是要去汏一下头呃,等头发畀汏好嘞以后,剃头老师傅还要去整理修整一下呃,看看头哴向是否依旧会得有高低覅平整呃地方,最后再要去做一趟修整,先用吹风机畀头发吹吹干,再去修整剪平,有些老师傅会得使用电动呃剃头推子修整,好让男性顾客呃头发变得整齐划一。
到后末唻,全面呃去普及推广使用电动呃剃头推子以后,手动呃剃头推子,几乎可以讲是绝迹看大覅到嘞。一直去使用电动呃剃头推子,伊从开场到结束侪会得有鸣鸣呃声响,而且伴随着迭种声响,随时随地会得发生夹头发呃现象搭恐惧之感,也会得紧跟着一起消失忒呃,迭嗰倒并覅是讲,电动呃剃头推子就覅会得去发生夹头发迭种邪气覅好呃现象,而是千年难板会得发生呃,几乎是忽略覅计呃。
也正是因为电动呃剃头推子,一直是有得鸣鸣呃声响呃原因,从开场一直要等到结束嘞为止,迭种声音,就好像是勒拉演奏一首交关悦耳动听呃催眠乐曲一样,有些辰光还会得让人去昏昏欲睡唻。
今早仔,去剃一嗰板寸头已变得邪气流行,大家畀“板寸头”又叫做嘞“老板头”。只因当代呃国人,交关流行畀各行各业呃一把手或某嗰部门呃一把手侪是统称为“老板”,而且伊拉又喜欢剃迭种头型,老板剃一嗰板寸头,板寸头自然而然呃畀叫做嘞“老板头”喽!
对于“板寸头”,让自家最最记忆犹新呃一桩事体就是,当本人1999年至2003年就读大学专科函授班呃辰光,班级里向有位同学业余爱好只爱好打乒乓球,还欢喜剃一嗰板寸头,特惠请理发造型师设计成为乒乓球桌型呃板寸头,等头发剃好以后,引唻一路人呃围观……
【备注:①:文章为作者原创;②各种老上海理发店和理发工具均来源于网络上;③:感谢原创图片。】
杜老倌侠客居(陆伟)写于2009年10月30日星期五晚上
联系客服