上海话里个“花”

阿娟

　　文/阿娟

　　天气一点点热起来了，上海街头到处可以看到各种鲜花开得五颜六色，邪气好看。其实，上海话里包含“花”个词汇同样多姿多彩，例如：花头、花样、花俏、花腔、花架子等等。

　　或许因为“花”是植物个繁殖器官，所以上海话里许多含“花”词汇侪与异性有关，比如：“花拆拆”指喜欢与异性调情；“花搭撘”指不太正经。“花头”可以指“主意办法”，也有从花苞引申到不正当男女关系个意思，如：“伊拉两个人好像有点花头了。”

　　一些有“花”个形容词和名词中，有些意思比较微妙，例如：“花俏”可以指说话花里胡哨，也可以指衣着鲜艳时髦，还可以指善于讨好、会献殷勤。“花巧”可以形容“很有一套”，也可以指一种新办法新窍门。“花妙”可以形容“巧妙地甜言蜜语”。“花腔”从多变个戏曲唱腔引申出“变化多端”个意思。

　　有趣个是，“花”在上海话里还可以作为动词使用，有从感情等方面去逗引别人个意思，比如：“侬又要去花侬女朋友了是伐？”“侬勿要来花我，我勿吃搿一套！”