辣辣阿拉周围，经常碰到伊眼人，身体某一搭出现莫明奇妙个红肿疼痛症状，阿讲勿清爽是啥个毛病。到医院去，医生会大惊小怪，拍片、验血等等，既浪费辰光，阿浪费铜钿，有辰方阿查勿出啥个毛病。还有伊眼人，牙齿发炎，痛得来邪气难过，到医院看医生排了老长辰光，排到只是消炎药而打发。
其实老多无名肿痛，用勿着到医院去治疗，懂眼小常识人，自家辣辣屋里向就可以配制药方。针对上头个无名肿痛和牙齿发炎痛，可以用下头搿只单方。
材料：米醋、六神丸。
做法：准备一只家生，倒入六神丸，然后再倒入米醋，超过药丸就可以了；两只材料辣辣一道浸泡一刻钟至廿分钟，药丸就会烊脱,然后拌匀，一帖无名痛药水就做好了。
用法：用药水棉花球蘸搿无名痛药水，涂辣辣肿痛伊搭，每日次数自家去定，因为呒没副作用，而且对毛病有效果。
