每个人侪是一本书，爷娘是阿拉个出版社，生日是阿拉个出版辰光，身份证是阿拉个书号。阿拉侪是历经长达十个号头个制版、装订，才终于面世。每个人侪是一本书，男人是汉书，老人是史书，军人是兵书，僧人是经书，多胞胎是丛书，退休了是闲书，良朋诤友是参考书，伊眼以刺青、文身、彩绘为时髦个年青男女是图书。如果侬身高体胖，埃是大开本；如果侬小巧玲珑，埃是袖珍本。
每过一岁，阿拉增加新个一页，上头拨巨细无遗记载全年个言行事体，埃空白个扉页则是阿拉一张白纸般个小毛头辰光。呒没人晓得各自最终定稿多少页，但当缓缓合拢棺木个黑色封底，盖棺论定，阿拉是否应该让看完个人觉得开卷有益？
搿是个浮华奢靡个时代，邪气多人美容化妆，辣辣自家个封面上大做文章；邪气多人锦衣狐裘，辣辣自家个装帧上花样翻新。伊拉用塑料封套拨自家戴起朦胧个面纱，用檀香礼盒让自家住进豪华个包间，却忘记了充实里厢个内容，反倒任凭其匮乏、瘠薄、荒芜。
搿是个贫富悬殊个社会，小老百姓只能用草纸、废纸等，权贵政要却用黄金做纸，觊觎标个高价。可笑伊从勿代表书个真正价值，除非伊拉出卖自家，贿赂人家，否则标价毫无意义。
每个人侪是一本呒没完成个书，当如今衮衮沽名钓誉之徒，左手抄袭右手剽窃，拨人家利用成工具书，弄假舞弊雇托儿，暗箱操作黑幕交易，为所谓前途走后门，勿择手段获奖爬上排行榜，还呒没死脱就炒作为传世巨著，吹捧为绝代佳作辰光，吾相信日后，辣辣图书馆搿座公墓里厢，一定勿会安放伊拉个灵位，就算有，啊呒没人瞻仰。
每个人侪是一本书，啊许辣辣劣币驱逐良币个制度下，侬满腹才学，却满身灰尘；啊许侬胸无城府像本摊开个书，却一直呒没啥人来翻阅。即使全世界侪合谋埋没侬，啊请记牢，始终总有一位忠诚读者，就是侬自家。
每个人侪是一本书，让坏人成为禁书，让好人成为畅销书，让阿拉用心血为墨写好自家，因为阿拉个印数侪只有一册，因此，每个人侪是绝无仅有个孤本珍籍。
细细想来，每个人侪是一本书。厚个还是薄个？通俗个，经典个，还是无聊个？书是自家写个，对人生个理解，对家庭个理解，每个人侪有自家个思考，而每个人看上去普普通通，却侪有一段段传奇经历和曲折故事，一段段心路历程。每个人侪辣辣用生命谱写自家搿本书，无论高贵或低贱，富有或贫穷，幸福或痛苦，就算只有自家一个读者，总辣辣每天书写着。
形象地讲，人个外表是封面，人个心灵是内容。对于人生搿本书，既要设计美丽漂亮个封面，又要潜心撰写每一个章节个内容，使其表里如一，切勿可粗制滥照，马虎应付，随意草就。可有眼人认为封面是爷娘拨个，因此，怨天忧人，怪爷娘呒没拨伊制作精美个封面，迭种抱怨是毫无道理个。如果允许选择个言话，啥人勿想出生辣辣宦官富豪之家，啥人勿想生活辣辣闹猛繁华个市区？呒没啊里位男人勿想有潘安之貌，呒没啊里位女人勿想有天仙之容，更呒没啊里位爷娘勿愿让自家个儿子囡嗯生得聪明漂亮。人个出生呒没办法选择，但人生个命运是靠自家来把握个。啊就是讲，人生搿本书，要靠自家日积月累，一个字一个字、一个标点一个标点去认真写好。看人勿能以貌取人，看书啊勿能只看封面。纵观古今中外，伊眼其貌勿扬者成大器者，勿乏其人。伊拉拨人生搿本书写得精彩纷呈、流芳百世。假如侬个封面确实勿起眼，可以用知识去弥补行天个勿足。记得一位女作家讲过迭能样子一句言话：知识永远是女人个首选化妆品。
生活证明，阿拉大多数人个一生呒没办法写成杰作，更勿可能一朝出名成名著，即便成书，可能搿本书个封面跟里厢内容平淡无奇，但是，啊要力求做到朴实无华，有滋有味，细细品味，开卷有益。
能否写好人生搿本书，关键辣辣写书个态度，啊就是讲，要以啥个样子个人生观去写。有眼人哀叹：人生苦短，好景难长。于是就恣意纵欲，尽情享受。所谓：对酒当歌，人生几何？人生得意须欢，莫得金樽空对月，就是搿心灵个写照。伊拉追求个是，灯红酒绿、纸醉金迷个生活，以吃喝玩乐为潇洒，以醉生梦死为荣耀。以为只有迭能样子才勿白活一趟，以至有眼人为官贪，为商奸，男作盗，女作娼，灵魂扭曲廉耻丧，为世人唾弃。其实，人生对社会是一种责任。人活辣辣总得有个信仰，有种追求。吾以为，勿求理想多少宏大，境界多少高尚，胸怀多少宽广，但要做到坦坦荡荡才是。
所以讲，做人如写书。写人生书，明做人理。辣辣人生道路上，阿拉侪要老老实实作人，踏踏实实做事，倾尽一腔热血，写好人生搿本书。
