应部分网友要求，重发一次粤语歇后语的汇总，请欣赏
枕头木虱------包拗（咬）颈
揸电筒入厕所------搵死（屎）
黄皮树鹩哥------唔熟唔食
黄鳝上沙滩------唔死一身潺（san4）（残）
黄肿脚------不消蹄（提）
乌龟爬门槛------唔跌唔进（比喻人不受过失败就不会进步）
乌蝇搂马尾------ 一拍两散
芋头煲糖水------心淡
屎窟（fed1）生疮------冇眼睇
屎坑关刀------冇张利
屎坑旁边食香蕉------难为你开口
屎坑石头------臭夹硬
屎坑竹枝------挜拃夹臭
屎氹关刀------闻（文）唔得，舞（武）唔得
市桥蜡烛------假细芯（心）
豉油辣椒酱------你想点就点
豉油捞饭------整色水
豉油樽枳（zed1）------咸湿
食猪红屙黑屎------马上见功
城头上跑马------ 一味兜圈
烧猪耳------免炒（吵）
烧水劏牛------搵工做（宰牛只需剥皮，不必用热水烫皮去毛。此歇后语比喻没事找事做。）
烧坏瓦------唔入沓（dab6）
小偷畀狗咬------暗哑抵
肇庆荷包------陀衰人（肇庆以产草席著名，过去所产挎包也用席草编成，大而粗疏，背在身上容易被人误以为是讨饭袋，影响人的形象。）
树林菩萨------阴夹独（毒）
树尾曱甴------又爱风流又怕𢴈（dad3）
船头尺------度水（比喻借钱）
廿一日菢唔出鸡------坏蛋
入网鱼，进笼虾------走唔甩
一只筷子事豆腐------搞（才呙）（wo5）晒（（才呙）字是提手旁）
一只筷子食莲藕------拮眼
二叔公捉黄鳝------来蛇
二叔公割禾------望下截
二叔婆抌心口------自由分数
二叔婆养猪------够晒好心机
二仔底------死跟
二打六------未够斤两
盐仓土地------咸湿公
阎罗王出告示------鬼睇
阎罗王嫁女------鬼要
阎罗王后一代------正鬼头仔
阎罗王开饭店------鬼食
阎罗王招工------搵鬼嚟做
阎罗王探病------问你死未
阎罗王揸摊------鬼买
烟通老鼠------人家发火就走
演粤剧唱京戏------南腔北调
鱼片粥------啱啱熟
祭灶鲤鱼------瞌埋双眼乱噏
砧板蚊------为食鬼（指尽管有刀切的危险也不怕，多用来比喻馋嘴的孩子。）
张飞打李逵------黑斗黑
酒楼例汤------整定
醉酒佬数街灯------唔知几盏（女赞）
作揖（yeb1）𢯎（ngao1）脚背------ 一举两得
灶君跌落镬------蒸（精）神
灶君老爷------黑口黑面
灶君上天------有句讲句
竹织鸭------冇心肝
竹丝灯笼------心眼多
竹树尾曱甴------叹风凉
竹树尾曱甴------又想风流身又餲（ngad3）
亚崩吹箫------嘥声歪气（或离谱）
亚崩叫狗------越叫越走
亚崩买火石------噭（kig1）过先知
亚崩咬狗虱------唔死有排慌
亚崩劏羊------（nge1）都冇得
亚崩养狗------转性
亚兰嫁亚瑞------累斗累
亚波校（gao3）灯------有着有唔着
亚均卖大头鱼------好噏唔噏（ngeb1）
亚兰卖猪------ 一千唔卖卖八百
亚聋送殡------唔听佢支死人笛
亚聋卖布------唔讲呢匹（笔）
亚聋烧炮------得阵烟
亚茂整饼------冇嗰样整嗰样
亚婆髻------安嘅
亚驼行路------舂舂（中中）地
亚驼卖虾米------大家都唔掂
亚驼命------死都唔得掂
百斤加一 ------有你唔多，冇你唔少
白花蛇浸酒------冇功效
白露水------冇益人
白蚁蛀观音------自身难保
白云山蟋蟀------得把声
白云山一担泥------眼阔肚窄
白云山撞雨------冇得避
白撞雨------灒（赞）坏
斑鸠唔食米------死咕咕
包青天断案------冇得倾
跛手太监------无拳（权）无势
崩嘴茶壶------难斟
扁鼻哥戴眼镜------你紧佢唔紧
扁鼻佬戴眼镜------冇得顶
鼻哥窿担遮——避无（鼻毛）可避
菠萝鸡------靠黐
玻璃夹万------有得睇冇得使
玻璃棺材------睇通晒
半桶水------冇料又认叻
半夜鸡啼------唔知丑
半夜食黄瓜------唔知头尾
閉眼射靶------ 不妙（瞄）
冰跌落醋酲------寒酸
八叔公整米粉------ 一嗰一嗰整
叉烧包掟狗------有去无回
茶瓜送饭------好人有限
茶楼搬家------另起炉灶
搽脂粉吊颈------死要面子
贼过兴兵------无济于事
柴鱼命------唔打唔成器
杉木灵牌------唔做得主
出炉铁------唔打唔得
趁墟卖鱼尾------ 一定要搭嘴
陈显南卖告白------得把口
陈村码头------逢艔（赌）必啱
青砖沙梨------咬唔入
窗外吹喇叭------鸣（名）声在外
秋后扇------冇人吼
吹打佬跌利市------嘥气
厨房阶砖------咸湿
裁缝度身------有分寸
床板跳上席------相差有限
床下底吹喇叭------低声下气
床下底放纸鹞------高极有限
床下底破柴------包撞板
床下底踢毽------大家都咁高
涌尾茜------两便摆
打斋鹤------度人升仙
打针食黄连------痛苦
大花面叫母亲------无钱
大花面抹眼泪------离行离迾（lad6）
大光灯------（口靴）（口靴）（he6）声
大光灯------照远唔照近
大虾米跌落水------到底都唔掂
大海撒拃盐------淡而无味
大辘墨打锣------乌啄啄（deng1）
大辘藕抬色------好少理
大辘藕抬色------尽地快活
大肚婆走鋼丝------鋌（挺）而走險
大姑娘做媒------讲人唔讲自己
单车落坡------踩（睬）都唔踩（睬）
单料铜煲------热得快
单眼佬睇老婆------ 一眼见
单眼仔睇榜------ 一眼睇晒
疍家鸡------见水唔得饮
疍家婆打仔------睇你走得去边度
疍家婆攞蚬------第二筛（世）
戥穿石------陪衬
掟石落屎坑------激起公愤（恭粪）
第一津对上------冇甫（谱）
灯芯敲钟------冇音
电灯杉挂老鼠箱------ 一高一矮
电灯胆------唔通气
顶住石磨做戏------吃力不讨好
鼎湖上素------好斋
吊颈鬼搽粉------死要面
倒挂腊鸭------油嘴滑脷
东莞佬猜枚------开（害）晒
东莞佬猜枚------三（生）个四（死）个
花旦梳头------唔使髻（计）
冻水冲茶------冇味
花被𢫏鸡笼------外便好睇里便臭
快刀切葱------两头空
番鬼月饼------闷极（英文mooncake）
番鬼婆大肚------心怀鬼胎
番薯跌落灶------该煨
番鬼佬睇榜------掉转嚟
幡杆灯笼------照远唔照近
翻渣茶------冇厘味道
忽必烈------吞金灭宋（餸）
飞机打交------高斗（窦）
飞机火烛------烧云（销魂）
飞机撞纸鹞------有咁啱得咁巧
非洲和尚------黑（乞）人僧（憎）
肥佬着喇叭裤------髀（比）上不足，髀（比）下有余
肥佬着笠衫------几大就几大
肥婆坐塔------佮佮（teb1）冚
斧头劈牛屎------实入
坟场发电机------电死人
坟场跳舞------扮鬼
坟头耍大刀------吓鬼
火麒麟------周身引（瘾）
火烧芭蕉------根焦叶烂心不死
火烧城隍廟------急死鬼
火烧灯芯------冇炭（叹）
火烧棺材------大炭（叹）
火烧猪头------熟口熟面
火烧旗杆------长炭（叹）
火烧石灰船------冇得救
苦瓜捞牛肉------越捞越缩
苦瓜炆鸭------苦过弟弟
护照相片------出洋相
风吹芫荽------荽（衰）贴地
隔年月饼------膉（益）晒
隔山买牛------好丑撞彩数
隔夜茶------唔倒（赌）唔安乐
隔夜油炸鬼------冇厘火气
交通灯------点红点绿
教书先生搬屋------执书（输）
鸡打针------话都冇咁快
鸡屙尿------少见
鸡食放光虫------心知肚明
跟着好人学好人------跟着喃无学拜神
姜太公封神------漏咗自己
公用電話------有钱有得傾，冇钱冇得讲
狗上瓦坑------有条路
狗仔坐轿------不识抬举
韭菜命------ 一长就割
干糕饼------米（咪）制
赶狗入穷巷------拧转头咬翻啖
缸瓦船打老虎------尽地一煲
古老屎塔------口滑肚臭
关公细佬------翼德（亦得）
倔尾龙拜山------搅风搅雨
桂姐卖布------ 一匹还一匹
跪地餼猪乸------睇钱份上
滚水渌猪肠------两头缩
滚油渌老鼠------ 一镬熟
观音坐轿------靠人抬举
棺材拐杖------死顶
棺材里面伸手------死要钱
棺材老鼠------食死人
棺材铺拜神------想人死
棺材头烧炮仗------吓死人
光棍佬教仔------见便宜莫贪
光头佬担遮------无发（法）无天
桄榔树------ 一条心
广东凉茶------包好
夏至狗------冇定走（以前广东习惯在夏至时吃狗肉，民间有“狗怕夏至”的说法）
鞋底沙------扽（hai4）干净至安乐
航空母艦------食水深
咸蛋煲汤------心都实
咸鱼放生------唔顾死活
乞儿煮粥------唔等熟
黑白天鹅------日鹅（哦）夜鹅（哦）
戏棚仔------好快大
戏棚竹------死顶
向飞发佬拜师------从头学起
海底石斑------好鱼（瘀）
海军斗水兵------水斗水
海面浮萍------无根底
好柴烧烂灶------好心唔得好报
好柴烧烂灶------好头戴烂帽
空棺材出殡------木（目）中无人
孔明碰到周瑜------ 一味靠激
红蓝铅笔------两头都要批
纸扎公仔------有神冇气
纸扎下扒------口轻轻
纸扎老虎------吓死人
纸扎老虎------有威冇势
蒸生瓜------侲侲地
赵匡胤------大宋（餸）王
朱义盛------假嘢
朱义盛------永不褪色
猪红煮豆腐------黑白分明
猪栏报数------又一只
猪乸噍田螺------贪口爽
猪乸卖咗仔------大觉瞓
骑牛遇亲家------出丑偏遇熟人
乾隆皇契仔------周日清
垃圾岗鸡公------搵埋畀人食
烂纱灯------得个架
冷巷担竹竿------直出直入
甩（led1）头笔------唔写（舍）得
梁新记牙刷------ 一毛不拔
两个哑仔嗌交------唔知边个着
两公婆见鬼------唔系你就系我
两仔爷报佳音------代代（袋袋）平安
褛蓑衣救火------惹火上身
刘备借荆州------ 一借冇回头
刘义打番鬼------越打越好睇
漏气橡皮波------吹唔涨，掹唔长
雷公打交------争天共地
雷公劈豆腐------搵软嘅嚟虾
灵前酒壶------斟亲都滴眼泪
鹩哥命------就食就屙
罗汉请观音------人多好担当
落雨担遮------顾前唔顾后
落雨担遮------死挡（党）
落雨卖风炉------越担越重
落雨收柴------乱揦（la2）
落雨天挂霉香------又咸又湿
老公拨扇------妻（凄）凉
老婆担遮------荫（阴）公（功）
老鼠跌落天平------自称自
老鼠拉龟------冇定埋手
老鼠拉鲇鱼------ 一命搏一命
老鼠（舌赖）灯盏------只顾眼前光
老鼠尾生疮------大极有限
老鼠搵猫------攞嚟衰
陆荣廷睇相------唔衰攞嚟衰
龙船棍------顶水（衰）神（顶：非常）
龙船装猪屎------又长又臭
龙舟菩萨------水（衰）神
聋佬拜年------大家噉话
聋佬睇戏------唔知讲乜
笼里鸡作反------自己人打自己人
麻布做龙袍------唔系嗰种料
麻骨拐杖------靠唔住
麻鹰拉鸡仔------飞起嚟咬
麻雀抬轿------担当唔起
马骝生臭狐------唔系人噉味
马尾扎豆腐------不堪提
马骝升官------唔系人噉品
蚂蚁孭田螺------冒充大头鬼
买定棺材掘定氹------听死
买咸鱼放生------不顾死活
卖布唔带尺------存心不量（良）
卖剩蔗------周围凭（beng6）
卖鱼佬洗身------冇晒腥（声）气
卖鱼佬------有腥（声）气
盲公打灯笼------照人唔照己
盲公闻到臭------离屎（死）不远
盲公食云吞------心中有数
盲公竹------督人唔督己
盲眼雷公------乱劈
猛火煎堆------皮老心唔老
猫洗面------系噉意
茅根竹------借水（钱）
密底算盘------冇漏罅
麦栏街口------关仁（人）（即关人屁事的省略）
眉毛挂猪胆------苦在眼前
盟鼻佬食死老鼠------唔知香共臭
棉胎当地毡------唔踏实
摩罗叉拜神------睇天
摩罗叉骑膊马------叉（差）上叉（差）
剥皮田鸡------死都唔闭眼
冇柄剃刀------冇用夹损手
冇柄士巴拿------得棚牙
冇底轿------唔乘（成）人
冇尾烧猪------唔慌好事
冇毛鸡打交------啖啖到肉
冇耳茶壶------得把嘴
冇耳藤喼------靠托
冇厣鸡笼------自出自入
木工刨树------专理不平
木筲箕------滴水不漏
门扇底烧炮仗------见声唔见影
奶妈抱仔------人家物
南无佬畀鬼迷------铃铃都掉埋
南无佬跌落屎坑------冇晒符
泥水佬开门口------过得自己过得人
哑佬相见------默默无言
哑蝉跌落地------冇声出
哑仔伸冤------无话可说
哑仔玩琴------会弹唔会唱
哑仔食汤丸------心里有数
哑仔饮沙士------有气讲唔出
牙签太小------撩完就掉
瓦封领------包顶颈
瓦荷包------有几个钱就当当响
瓦面藤菜------日头死吊吊，夜晚生勾勾
瓦檐狮子------叻到men3
矮仔上楼梯------步步高
牛牯跌落井------有力使唔上
牛皮灯笼------点极都唔明
屙尿递草纸------徒劳无恭（功）
屙尿射竹筒------靠撞
娥姐粉果------好睇又好食
蕹（ngong3）菜文章------半通不通
瓮底蠄蟝------唔知早晚
年初一见面------专讲好话
年晚煎堆------人有我有
年晚砧（zem1）板------人人都要
年三十晚出月光------包你冇望
年三十晚谢灶------好做唔做
彭祖尿壶------老积
彭祖遇寿星------各有千秋
炮仗颈------爆完至安乐
皮鞋线------ 一扯到喉
切菜刀剃头------牙烟
青砖沙梨------咬唔入（重蚀啖口水）
青山古寺------烟都冇朕（zem6）
潮州花瓶------出双入对
潮州佬煲粥------呢镬杰嘅
潮州音乐------自己顾自己
沙湾灯笼------何府（苦）
撒谷落田------听秧（殃）
撒路溪钱------引（瘾）死人
三夹板上雕花------刻薄
三更出世------亥时（害死）人
三斤猪头------得把嘴
三水佬食黄鳝------ 一碌一碌
三个鼻哥窿------多一口气
三个手指揸田螺------十拿九稳
三元宫土地------锡（惜）身
山顶屎------通天臭
生白果------腥夹闷
生草药------系又罨（噏），唔系又罨（噏）
生草药------罨（噏）得就罨（噏）
生虫拐杖------靠唔住
生骨大头菜------种（纵）坏
生虾落油镬------跳亦死，唔跳亦死
生鍟刀------唔喝唔得
生水芋头------侲侲地
生鱼治塘虱------ 一物治一物
生仔姑娘醉酒佬------讲唔要又要
筲箕兜水------漏洞百出
湿柴煲老鸭------够晒烟韧
湿身狗------过后唔识人
湿水狗上岸------乱甩
湿水榄核------两头滑
湿水麻绳------越缠越紧
湿水棉花------冇得弹
湿水炮仗------死引（瘾）
十几人分食一分烟------冇厘瘾头
十个瓦罉九个盖------𢫏嚟𢫏去𢫏唔冚
十字街心跑马------头头是道
十三点钟------声大夹恶
十二点半钟------指天督地
十月芥菜------起心
十月茭笋------黑心
十月蔗头------甜到尾
石板上斩狗肠------ 一刀两断
石地塘铁扫把------硬打硬
石灰铺路------白行
石罅米------畀鸡啄（比喻喜好玩弄ji女的人）
石头磨剃刀------有损无益
石湾公仔------冇肠肚
细佬哥剃头------快嘞快嘞
死人灯笼------报大数
四方帽碗------冇个人啱
四方木------踢一踢，喐一喐
新屎坑------三日香
神台桔------阴干
神台猫屎------神憎鬼厌
神仙放屁------不同凡响
神仙过铁桥------稳阵又稳阵
神仙屎------唔臭米气
顺风屎艇------快夹臭
双门底卖古董------开天索价，落地还钱
上山捉蟹------难
秀才瞌（heb1）眼瞓------枕住书（输）
秀才手巾------包书（输）
寿星公吊颈------嫌命长
水草绑豆腐------不堪提
水瓜打狗------唔见咗一橛
水壳仔------唔浮得几日
水流神主牌------到处冇人受
水上打斋------冇坛（弹）
水上扒龙船------好丑有人见
水鬼尿------够清
水过鸭背------唔装载
水溝油------撈唔埋
水上扒龙船------岸上夹死仔
水浸缸瓦铺------盆满钵满
水浸眼眉------唔知死
水底屙尿------自己知
水兵对水手------水斗水
水浸塔頂------奄(淹)尖
剃头佬教仔------有得刮就刮
剃头佬走警报------懒刮（抗战时，日本飞机来轰炸，警报一响，为了逃命，连理发师也顾不得做生意了。）
剃头唔湿水------干刮
铁拐李打足球------ 一脚踢
铁木真打仔------大汗𢱕细汗
铁沙梨------咬唔入
铁嘴鸡------牙尖嘴利
天堂尿壶------全神灌（贯）注
田鸡东------蛤（夹）东（广州话“田鸡”又叫“蛤乸”，此歇后语意思是一起出钱做东，即现在的AA制。）
田鸡过河------各有各yang3 （此字打不出来，故用拼音代替。）
田螺爬上旗杆顶------唯我独尊
抬棺材甩裤------失礼死人
汤丸（圆）命------ 一浮头就畀人食
劏猪凳------上亲就死
塘底石------水干先见
螗𧋦咬尾------自己食自己
土地灯笼------夜不收
断柄锄头------冇揸拿
断线纸鹞------无牵无挂
断线三弦------冇得弹
通天老倌------样样皆能
同窑嘅缸瓦------ 一路货色
铜板切豆腐------两面光
铜银买病猪------两家偷欢喜
歪嘴吹喇叭------ 一股斜（邪）气
禾杈跌落井------杈（差）到底
禾草穿针------唔过得眼
和尚仔念经------有口无心
黄大仙------有求必应
黄连树下弹琴------苦中作乐
黄牛落水------角（各）顾角（各）
跑马射蚊须------中都几难（难上加难）
联系客服
