一块“妓女执照”
引发个话题
来源:魔都白领群
作者:薛理勇
沪语改写:边秦翌
讲述:王邦基
审阅、推荐:丁迪蒙
编辑:王乙其
朋友发了张图片拨我,伊也是从网浪向下载个。
图片是一块高大约摸5厘米个椭圆形银牌,上头有得只小洞洞,应该是一块可以挂勒头颈浪向个凭证,方便识别搭仔表示“持证上岗”,银牌一面个当中刻有“妓女执照”,两侧刻勒海“上海市警察局”搭“民国念五年用”;另外一面刻仔“随身执存 以备考证”。显然,搿是警察局发拨妓女个限于“民国二十五年(1936年)”使用个执业许可个凭证,随时可以查验。
问题是,银牌浪个“随身执存”个“随”勿是正体字——“隨”,而是写成功简体“随”,朋友怀疑搿枚银牌是假货,是赝品。当然咾,单单凭正体搭简体判定银牌个真伪是勿够个。
“警察局”对应个英文是police station。1936年个上海还是“租界时期”,租界个police station勿叫“警察局”,而是叫做“巡捕房”,邪气明显,迭枚银牌勿是租界个police station发个。上海华界个police station是受租界police station个影响再建立搭仔逐步完善个,名称浪也有过好几次变动。
1905年,上海县改组原“巡防保甲局”,成立“上海警察总巡局”,一般认为,迭个辰光上海开始有得警察了,警察总巡局设勒常平仓。
两年之后,警察总巡局改名为“巡警总局”,改上海北市马路工巡总局为上海巡警总局,县城1区设勒常平仓。1912年到1927年,先后使用过警务公所(南市个叫做南市警务公所,闸北个叫做闸北警务公所)、县警察事务所、县警务所咾啥。
1907年,上海城厢内外总工程局设立警政科,之后先后使用过警务处、警务长处等名称。1911年9月上海光复之后,沪军都督府拿巡警总局改为民政总局,设立南市警务公所,合并城内搭仔浦东个官办巡警。1913年1月份,南市警务公所改组为“上海商埠巡警局”,闸北警务公所改组为“闸北巡警局”,后首来,两局合并改组为“江苏淞沪警察厅”,设勒南市大东门旧道台衙门。
▲ 1907年,改上海北市马路工巡总局为上海巡警总局(闸北)
1927年,南京国民政府成立,7月7号,上海特别市成立;22号,改组原淞沪警察厅,成立上海特别市公安局,局址勒勒大东门警察厅路,现在个金坛路巡道街。
▲ 清朝的上海道台衙门,民国初变成了淞沪警察厅,1927年,又成为国民政府上海特别市公安局
▲ 上海特别市公安局警备车
1930年5月,南京国民政府颁布《市组织法》,上海特别市改名为“上海市”,7月1号,原上海特别市公安局改名为上海市公安局,局址先是勒勒大东门警察厅路巡道街,1935年5月迁至上海旧县署蓬莱路171号。下辖十六铺、西门、浦东、新闸、北站、曹家渡、市中心区(江湾新上海)、高桥咾啥8只分局,分局下辖个派出机构称之为“警察所”,相当于现在个“派出所”。
▲ 1935年5月迁至蓬莱路的上海市公安局
1937年1月,上海市公安局改名上海市警察局,局址呒没变,仍旧勒勒今蓬莱路171号。
▲1937年1月1日,上海市公安局改称为上海市警察局
1927年到1936年底,上海个police station叫做“上海市公安局”,并勿叫“上海市警察局”,也呒没另外一只叫做“上海市警察局”个机构,搿能介一分析么,搿枚民国二十五年(1936年)“上海市警察局”发个“妓女执照”应该是假货、赝品了。
作者:薛理勇
讲述:王邦基
丁迪蒙
迪蒙,启迪蒙昧者也。上海市人。原上海大学中文系教师,多年来一直致力于沪语和海派文化的传承。
沪语是吴方言的代表方言,是吴侬软语的典范。她既可以用来拉家常,也同样可以用来朗读各类诗歌散文。
沪语完全可以书写,同粤语可以写作是一样的。本平台所有文章都是经过改写后,用沪语来演绎的,汉字书写也是正确的。
丁迪蒙所撰写的,与沪语相关的著作主要有:
《学说上海话》上海科技文献出版社
《听听说说上海话》少年出版社
《实用沪语》复旦大学出版社
《上海话绕口令》少儿出版社
《上海方言词语使用手册》上海教育出版社
《上海话读成语故事》少儿出版社
《囡囡学童谣》,少儿出版社。
转自:“海上梦叠”公众号
联系客服