上海老底子每天呈送精彩文章一组
打开尘封的记忆，寻觅往昔的岁月
叙上海老底子事 忆上海老底子人
诉上海老底子情
南京路个20路
作者：袁念琪
改写：金慧玉
讲述：王维杰
审阅、推荐：丁迪蒙
编辑：王乙其
（上）
2019年12月个一天，20路贴出公告：“根据上海市交通委规定，12月7号开始，将原20路九江路中山东一路终点站，迁移到汉口路四川中路。”
迁移个就是九江路外滩终点站。现在站名大多数是取邻近个两条路名，而勒过去个外滩则勿一样。20路终点站叫“九江路外滩”，42搭48路称“北京东路外滩”，55路是“广东路外滩”，71路为“延安东路外滩”。用“外滩”代“中山东一路”勿是傍大款，而是容易记、名头响，也更加富有内涵。
20路九江路外滩站我常庄去个。伊个辰光，站头对过九江路41号是新民夜报报社，原文物仓库。报社个大门是两扇玻璃门，冬天棉帘子一挂像浴室。站头旁边36号个邮电支局倒显得洋气而且气派，经常要进去看看报刊杂志。大厅大理石铺地，花岗岩饰面，空间挑高立勒4根柱子大约有3层楼高，原来是三菱银行。1945年以后，归国民政府国家金融主体“四行二局”之一个中华邮政储金汇业局。
20路起点是中山公园，静安寺站设调头车。屋里搬到徐家汇之后，一直乘15路到此地调到外滩方向去个20路，站头背靠“外国坟山”改建个静安公园。我从2007年参加“上马”健身跑之后，从外滩出发，几趟终点设勒此地；一勿当心，跑了20路区间车个路程。
南京路拆脱有轨电车轨道个日脚，就是20路无轨电车开到南京路个辰光。1963年1月，上海市公用事业管理局提交报告：国庆节之前拆脱南京路有轨电车轨道，用无轨电车代替。3月5号，获得市人委同意。为了勿影响交通，采取分段施工、边拆轨道边通车。第一段8月14号夜里到24号，施工西藏中路东到外白渡桥；第二段9月2号夜里到11号，西藏中路西到南京西路石门一路。
搭三年前淮海路拆轨道相比，南京路更加有得仪式感。8月14号24∶17分，徐波从静安寺开出车牌34个1路有轨电车末班车。车子停勒第一百货商店前头，仪式开始。下车个有市公用局副局长搭特地来送最后一辆南京路有轨电车个老工人，伊拉搭现场个拆轨工人、“南京路浪好八连”指战员、机关干部、学生、民警搭附近居民汇合；欢庆南京路拆脱有轨通无轨。“好八连”指导员王敬文代表拆轨者致词，我伲台个广播电视艺术团表演歌舞、朗诵诗歌，路过个著名淮剧演员筱文艳即兴演唱自编节目……
15号1：27分，34号车开进提篮桥车场，宣告南京路55年有轨电车史结束。3：52分， SKD663型铰接式20路无轨电车型出静安寺，搿辆车头有得“上海”两个银色小字个彩车、迎了朝霞行驶勒南京路浪。耗资500万元个南京路拆轨工程勒10月17号结束，拆脱轨道13386单车道米。南京路搭上海公交史，翻开新篇章。
（下）
上海之前就有20路无轨电车，开通于1928年9月27号，从兆丰公园、就是中山公园到静安寺。1939年12月1号延伸到外滩江海关，但勿走南京路。南京路拆轨后个新20路，行驶线路为原20路中山公园到静安寺段，再接原1路有轨电车南京西路到外滩段，终点站由原1路虹口公园改为南京东路外滩，后来移到九江路外滩。
南京路来源于1848年（清道光二十八年）诞生个“花园弄”。东起中山东一路，西至延安西路，东路加西路全长5465米；精华为南京东路江西中路到西藏中路段。
坊间讲：勿到南京路，等于没来大上海。南京路是外国人眼睛里个中国，外省人眼睛里个上海。假使要看一部上海百年史搭中国近代史，真个是非南京路莫属——从“五卅惨案流血处”搭劝工大楼烈士遇难处看红色足迹，从公共租界跑马总会变身上海图书馆、现在个上海市历史博物馆看国家强起来，从永安、先施时装公司、新新（第一食品）搭大新公司（第一百货）“四大公司”看中华商业第一街……
还有一路个城市地标：曾经是“远东第一高”个国际饭店及“远东第一影院”大光明等，以及我从小到大常庄去个南京西路456号上海美术馆。旁边个上海杂技场是中国第一个表演杂技马戏个专业地，过去夜里大巴停满、夜里向看杂技是老外游沪保留节目。隔壁专演木偶戏个风雷剧场是小囡个天堂，再隔壁就是老年人欢喜个花鸟商店了。
好酒勿怕路途远。就连东北个长影也来拍后来获得文化部优秀影片奖的个《小字辈》，展现平台就是南京路搭仔路浪个无轨电车。叙述了29路003号车三对青年个爱情故事，印象最深一对是驾驶员小洪搭交警小白，勿“打”勿相爱，一爱则过西藏中路变老“吃红灯”为常“吃绿灯”。
我成为20路常客，是因为工作个电视台当时勒南京东路永安大楼搭南京西路651号两个地方。从651号到永安大楼，勒绿杨村门口青海路站等车，此地20路27路并站，比到只有20路一家头个成都北路站便当。
往来永安大楼搭青海路到西藏中路上下车，永安大楼到西藏中路之间唔没站头，靠两只脚走；南京路窄、人多，设站会加重拥堵。有段辰光，20路往中山公园方向勒泰康食品店门口设过站。1993年11月28号16点50分左右，车牌“上海T1193”个20路勒离伊勿远个六合路路口爆炸；勿到16个钟头告破，制造爆炸者黎某当场死亡。
1995年7月15号，南京东路从外滩到西藏中路段试行周末步行街。四年以后个9月20日，南京东路河南中路到西藏中路段成为了全天候个步行街。到2020年9月12号，步行街延伸到了外滩。勒南京路开了几十年个20路改道，开头还走南京东路河南中路以东到外滩段，后来就走九江路了。
只要搭南京路搭界，就像含勒金钥匙出生了。20路勿是上海第一条无轨电车，也勿是第一个行驶南京路浪个公交；勒伊开到南京路十一年之后，又有27路相伴并有多个同站；但是，伊是幸运个、也是幸福个，因为伊资格老、而且路牌勿变，而拨视为南京路个一只标志；虽然告别了南京路个经典繁华路段，却已经搭南京路难以分离。
作者：袁念琪
讲述：王维杰
迪蒙，启迪蒙昧者也。上海市人。原上海大学中文系教师，多年来一直致力于沪语和海派文化的传承。
沪语是吴方言的代表方言，是吴侬软语的典范。她既可以用来拉家常，也同样可以用来朗读各类诗歌散文。
沪语完全可以书写，同粤语可以写作是一样的。本平台所有文章都是经过改写后，用沪语来演绎的，汉字书写也是正确的。
丁迪蒙所撰写的，与沪语相关的著作主要有：
《学说上海话》上海科技文献出版社
《听听说说上海话》少年出版社
《实用沪语》复旦大学出版社
《上海话绕口令》少儿出版社
《上海方言词语使用手册》上海教育出版社
《上海话读成语故事》少儿出版社
《囡囡学童谣》，少儿出版社。
联系客服
