阿拉老底子每天呈送精彩文章一组
打开尘封的记忆，寻觅往昔的岁月
叙老底子事 忆老底子人
诉老底子情
来源：More城读
作者：董鸣亭
改写、讲述：俞颖
文字、语音审核：丁迪蒙
编辑：王乙其
前文回读：
3、
我离开了上海，离开了武进路。我勒报社办理好了辞职手续，一家头空荡荡个走勒武进路浪向个辰光，我个心也是空荡荡个。照理讲，既然选择了离开，我就呒没必要为此留恋。但是，我对报社是有感情个，对武进路也是有感情个，所以勒我离开个辰光，就像个神经病一样从罗浮路开始，一直走到九龙路，沿牢仔武进路拿马路浪种勒海个梧桐树数了一遍。
因为，我想起有个朋友曾经问我，侬是老武进路浪个人了，晓得搿条马路浪种了几棵梧桐树伐？当时，我冲伊讲：“侬神经病啊，想得出问搿种问题个。”但是，勒我要离开个辰光，我就去数了，是五十六棵，每隔十步路就种了一棵梧桐，但靠近报社个一眼长得最好，最茂盛。据说，其中个几棵还是当年个大亨虞洽卿，搬到靠近武进路公寓个辰光亲手种个。
我到日本去了，马路勒我生活当中已经勿是邪气重要个事体了，但是，我每趟搭屋里写信，还是要写马路、门牌号。因为搿是我个故乡，是我生长个地方。
故地重游
最近，我乘地铁十号线到四川北路下来，走出地铁口，竟然寻勿着方向了，我立勒闹猛个十字路口，突然看见路牌浪写勒武进路三个字个辰光，我想起了我个母校，想起了《新闻报》，还有伊家工商银行，但是，一切侪变脱了。
随着变迁，我个母校拨第一人民医院置换，《新闻报》老里八早，勒廿多年前也搬脱了，伊家叫前峰食品店个，也已经面目全非，只留下来消防站搭仔新开辟个“新潮8弄”。
我立勒消防站前头，伊勒附近个高楼大厦面前显得低矮，但是，红颜色个大门还像以前一样竖勒伊面，我再也听勿到学堂个钟声，看勿到武进路浪茂盛个梧桐树了。
尾声
时代勒勒前进，文明勒勒发展，文明个生活勿是一种快餐文化能够取代个，是要用心去沉淀个。我伲爱每一条马路，搿是阿拉生活个地方，有阿拉年轻辰光个青春回忆，一个人假使呒没了美好个个回忆，只有喧嚣之后留下来个一地鸡毛，搿就是一个城市个悲剧，是我伲市民个悲哀。
上海个马路大多数侪邪气漂亮，生命当中走过个路再是最漂亮个，维护上海个每一条马路就是保护上海个历史。
马路也是上海人个一张名片，城市个面孔，是形象邪气重要个呀。
作者：董鸣亭
讲述：俞颖
丁迪蒙，启迪蒙昧者也。上海市人。原上海大学中文系教师，多年来一直致力于沪语和海派文化的传承。
沪语是吴方言的代表方言，是吴侬软语的典范。她既可以用来拉家常，也同样可以用来朗读各类诗歌散文。
沪语完全可以书写，同粤语可以写作是一样的。本平台所有文章都是经过改写后，用沪语来演绎的，汉字书写也是正确的。
丁迪蒙所撰写的，与沪语相关的著作主要有：
《学说上海话》上海科技文献出版社
《听听说说上海话》少年出版社
《实用沪语》复旦大学出版社
《上海话绕口令》少儿出版社
《上海方言词语使用手册》上海教育出版社
《上海话读成语故事》少儿出版社
《囡囡学童谣》，少儿出版社。
来源：“海上梦叠”公众号
联系客服
