1. 食多污多:吃得多,拉的就多。
例句:老家伙自家么爬坍勿动,睏勒床浪要人服伺。人家讲“疯(偏瘫)子肚肠好”,来得个吃得落,那么食多污多,弄煞屋里格劼(jia)人。
2. 打回票:退回或被退回。
例句:你今朝开出去格票子,拨伊拉打回票,话你弄错待。
3. 胳勒肢(勒胳肢):腋窝。
例句: 狐臭格人,胳勒肢里侪是臭味道格。
4. 扒肚食(肠):要回曾经给与别人的东西。
例句:两家头讨相骂,结果伊扒肚食,要讨回上趟拨伊格金戒指。
5. 呒上呒落:毫无理由。
例句:我蛮好立勒门口看野景,伊呒上呒落跑上来骂人,真讲神经病。
6. 妥托心肝:尽可放心。
例句:吾侪搭你讲好嚯待,那你妥托心肝去好待,一点勿会得有事体。
7. 买块豆腐撞煞:连豆腐都能撞死人,是不是冤到不能再冤了?
例句:今朝搓麻将霉头触光,输到滑塌精光。老子还是去买块豆腐撞撞煞算待。