探店：新派粤菜

2号唐厨，之前都已经听闻过噶啦，行过路过猎德都会见到大大个招牌系优托邦楼上，特别醒目甘~

整个门面照大家睇睇

前台

金黄金黄的装修

大厅（呢个走果阵拍，开始多人了）

2号唐厨听闻主打新派粤菜，今次既双人餐有两个选择，我拣左A餐，内容如下

双人套餐超丰富哇！

我地大概5点几6点到，果时人好少，提早打电话预约定位后，同店员核对一下手机就带位啦，而且系提早都安排好具体台号哟，不错不错！坐低核销左券号之后等左十几分钟就陆续上菜啦！厨房离就餐区有D远，D菜有部分都系盖住个盖送上黎既，都几细心！

1. 茉莉香薰顶鸽 : 外脆内嫩，有淡淡的茉莉香，肉质还不错。肉汁呢，中等丰富甘啦。

有D意外的系，只碟系温热的，甘样送上黎只鸽都唔会冻，呢D仔细做得不错！

一只鸽子切开6份，比切4份更加容易夹黎吃，而且可以唔使用手直接捉住吃，哈哈

2. 手打鱼腐浸时蔬 ：好足料，绿油油的青菜解热气最岩，鱼腐好烟韧

3. 香煎小黄鱼 ：LG话小黄鱼好好吃，脆卜卜，一口咬落去口感好过瘾。

但是我就觉得都可以不过有D多油同鱼腥味，我唔系甘习惯.口味呢样野，你懂得！

4. 栗汁野米五谷烩海参 ：呢个五谷羹口感好丰富，有海参，玉米粒（超甜）红腰豆等等，好健康美味！同时五谷真系劲顶肚！

5. 上汤火鸭丝汤河粉 ：呢个有火鸭丝，而且汤底味道够，河粉又够滑，所以整体好好吃！

6. 踏雪寻莓 ：最后上既甜品，古唔到小小的碗，容量甘大，两碗差不多吃唔晒，味道酸酸甜甜甘。夏天岩晒！冰系绵绵冰果种，我LG吃到不能停！好夸张！听闻都系呢间店的特色甜品之一喔。

话系二人套餐，吃到扶墙出啊。每样菜都系远处见到服务员端上来，个个都好有礼貌同好好笑容，特别系经理部长眼神接触到都会笑住点头。

P.S.我地开始拣左饮菊花茶，距地会用个小蜡烛热住D茶，然后上热毛巾，整体规格有D似星级酒楼，感觉还不错。环境开放式大厅，一边系大厅一边系房间，环境系几好既,富丽堂皇。

我地吃完绕场一周参观左下,发发D新鲜海鲜比大家睇下!

环境

临走搭电梯发现好多光嘟嘟未烤既鸭子~~~好吸引啊!

听闻宜家晚上无左茶市，只有饭市，想饮茶的下次要早黎咯！下次再试下呢间既点心先!最后多谢点评和2号唐厨!又一晚愉快的霸王餐啦!