捲腹
好喇~介紹完捲腹,依家又介紹一個同捲腹差不多嘅腹部鍛煉,不過今次係掉轉用腳起,等你地一次操過夠。
反向捲腹 Reverse Crunch
佢可以集中鍛煉我地腹部嘅下半段
反向捲腹同捲腹一樣都係由開始動作至完成動作都是依靠腹直肌嘅收縮,免卻了借助其他肌肉去完成動作,所以都可以好集中鍛煉腹直肌
動作過程: 首先上身平臥於軟墊上,雙肩放鬆,背部貼著地面,雙手可放於軟墊上,雙腳屈曲至約90度提起離地(圖1),調較雙腳的曲度可增加難度(雙腳越直越難),吸氣,將雙腳向上身方向屈捲(圖2-3)同時呼氣,捲至雙膝與地面約90度止,成個過程下背部仍需貼著地面,而臀部係有少少離地,停頓約1秒後慢慢回到開始位置。
這個鍛煉亦可於雙腳間加一些小工具增加趣味或難度(圖為Exercise Ball)
呢個動作都係腹部嘅活動,兩隻手放鬆擺係側面得啦,唔駛用力爪到塊墊爛咁濟嘅……
初初開始做20次,有一定水平以後可增加為30-40次,每次練習3-4組