沪语朗读：赵永芳
顺境善待他人，逆境善待自家
国学大健康
改编、朗读：赵永芳
修正、推荐：丁迪蒙
人生路浪，要学会善待他人，也要懂得善待自家。善待他人，可以让人生走得更加远;善待自家，可以让生命活得滋润眼。无论是善待啥人，其实侪是温暖勒流转，侪是爱勒延申，最终，給予别人，也惠泽自身。
勒顺境个辰光，要想勒去哪能善待他人。用平和个心待人，以谦恭个态度来显示自家，自家欢喜了，但勒人家面前要沉静。即使没介高个境界，至少可以做到勿张狂、勿招摇、勿显摆。
善待，有辰光就是一个亲切个姿态，就是一种温和个态度。
心胸宽广，勿是指可以装得下来几个自家，而是指可以盛得下多少个别人。善待，本质浪向就是一种心痛。当然了，一个人，心痛了别人，也就会拨搿个世界心痛。
处于逆境个辰光，要懂得善待自家。所有个人侪会碰到困难，每个人侪会遭逢到坎坷，生命搿条长河，有一眼暗礁搭仔险滩，是绕勿过去个。但勿管发生啥，侪要记得：假使搿个世界没人爱惜侬，葛末，侬就要爱惜自家，没人看得上侬，侬就要看得上自家。是个，假使能够懂得始终对自家好，生命就永远没失败。
善待自己，就是要学会宽容，勿勒过去个错误当中纠缠;就是要学会退一步，勿勒勿能得到个欲望当中挣扎。你能够宽容多少、能够退多少，实际浪，就是善待了自家多少。
善待自己，其实，就是搭自家和解。一个人，假使能够勿搭自家较劲，处处放自家一马，就是置心灵勒旷野，拨心灵以自由了。心灵松绑了，就是最大个没亏待自家。
本公众号最近发布的链接：
图片来自网络
联系客服
