上次推送讲到，TVB年初个剧集list入面嘅剧集今年已经着手开拍，好多有机会今年内有得睇，唔知现在晚晚热播紧嘅《兰花劫》大家有冇一直追落去呢？
当怀旧又好，当新剧又好，大家千奇冇咁快转台，因为大家更期待嘅新剧集要来啦。
《兰花劫》剧照
早前已经报道过，按照无线原定嘅计划，《兰花劫》之后将会係新戏《赌城群英会》。
讲起《赌城群英会》，其实都几“惨”下。呢部剧其实已经拍完摆咗落雪柜一年了，开播一拖再拖，两次让路俾其他剧集；今年1月让路俾视帝陈展鹏嘅《乘胜狙击》，后来5月又让路俾杨旭文、李一桐、孟子义嘅《射雕英雄传》，真係等到颈都长。
呢部由谢贤、佘诗曼、马国明、陈百祥、陈法蓉、黄浩然等主演嘅剧集，晶哥亲自操刀，阵容可谓强大！
先来一段火热预告啦~~~（wifi或土豪随意点击）
睇阵容睇埋预告的确令人好期待，而且以呢个题材做电视剧嘅唔多。呢部剧未出就看点多多。拍惯《赌神》系列电影嘅晶哥自然唔使多讲，《赌城群英会》係重拍1980年无线用来反击亚视《大地恩情》的《千王之王》，将会由民初改为时装剧。
（当年四哥、阿姐、华哥真係嫩到出汁！）
还有好耐冇係TVB出现嘅马国明，今次就同阿佘再次搭档，王晶嘅戏点少得揽揽锡锡。所以呢次还会有咀戏？！哇塞！
《赌侠》做“龙九”嘅陈法蓉重返TVB拍《赌城》，唔知又会点？
另外老戏骨有四哥、叻哥、铭sir压阵，点都唔输得啦。其中最近足总杯决赛做旁述俾人弹嘅叻哥係今次剧集嘅第二男主角，真係冇得顶！
而呢部剧亦係十优港姐麦明诗加入TVB后第一套剧集，早前佢係电影《失恋日》俾人话演技浮夸，今次要趁机会同一众前辈学多d嘢咯。
反正讲咗咁多小编我都觉得等唔切咯，TVB下半年咁多部剧可能还未咁快出到，呢部剧放咗一年后唔知可唔可以吐气扬眉呢？
6月19日坐定定，看《赌城群英会》，就实冇错啦！
本文由TVB剧透社Peter原创发布，部分图文整理自互联网
剧集客服微信：xiaoli-0007
联系客服
