两支日职升班球队,今晚会正面对撼,甲府风林喺主场对柏雷素尔,3分未必袋得稳,事关今季甲府依然系靠身高1米94嘅中锋夏云拿屈机,路数好容易被对手睇通,相反柏雷素尔攻击点就够晒多,射手田中顺也又即将得到日本国家队征召,斗心够强2倍客W值得捧场。(now633及660台周六晚6:00直播)
上季夏云拿喺日乙攻入19球成为神射手,带领甲府升班,今季佢喺日职有6球进帐,表现算对办,但佢啲队友几乎帮唔到手,夹埋入得5球,进攻单调系甲府暂时得2胜5和5负要护级嘅致命伤。
田中顺也势升大国脚
对家柏雷素尔就劲咯,目前8胜1和3负坐喺榜首,前锋田中顺也、射手北岛秀朗、中场李安度杜明基斯同佐治韦拿都有好表现,夹埋攻入18个联赛入球,当中上年至大学毕业嘅田中顺也劲入6球,据闻日本教头沙哲朗尼打算揾埋佢备战8月10日对南韩嘅热身赛,佢今场肯定搏命证明自己。
本站仅提供存储服务,所有内容均由用户发布,如发现有害或侵权内容,请
点击举报。