情歌对唱《风流山歌唱起来》
作词:刘小文
对唱:彭子娇、张永明
2018.4.1
涯今搭起山歌台, 风流山歌唱起来,山歌就爱郎搭妹, 有情阿妹请上台.
有情阿妹请上台 ,你约涯来涯就来 ,阿哥好比蹽哥仔 ,阿妹好比画眉媒.
阿妹好比画眉媒 ,有情山歌唱起来 ,唱到青山团团转 ,唱到梅花朵朵开
唱到梅花朵朵开, 自由恋爱唔使媒 ,客家山歌情义好 ,兜凳上棚唔使梯.
兜凳上棚唔使梯 ,蓠芭钉顿扎硬来 ,蟾蜍拿来做桌垫 硬气也爱顶下台.
硬气也爱顶下台 ,有歌唔唱会衰台 ,莫话山歌唔晓唱 ,竹筒探水溜溜来
竹筒探水溜溜来 ,打开石头烧石灰 ,哥系石灰妹系水 ,石灰见水心花开.
石灰见水心花开 ,有缘有份做一堆 ,灯心拿来挑螺肉 ,样得心肝肉出来.
样得心肝肉出来 ,有心同妹来做堆 ,金丝猫公唔怕鼠 ,竹排下滩溜等来.
竹排下滩溜等来 ,檀香烧尽一炉灰 ,藤断自有蔑来驳,船到滩头水路开.
船到滩头水路开 ,哥系山伯妹英台 ,哥系牛郎妹织女 ,天赐良缘配起来.
天赐良缘配起来, 四月禾苗系有胎 ,木屐花鞋难丁对 ,怕同阿哥配唔来.
怕同阿哥配唔来 ,阿妹咁精哥唔呆 ,别树有花涯唔采 ,此树冇花等到开,
此树冇花等到开 ,阿妹爱哥好人才 .真心实意对妹好 ,永远同哥不分开.
永远同哥不分开,着双屐仔上楼梯 ,猫公走入灶窟睡 ,唔怕惹倒一身灰.
唔怕惹倒一身灰 ,哥妹情谊永留在 ,柑仔来寻桔仔嬲 ,有缘有份做一堆.
有缘有份做一堆 ,铲倒草皮来遮灰 ,大风大雨打唔散 ,打生打死做一堆.
打生打死做一堆 ,春天到来百花开 ,蜜蜂采花团团转 ,花见蜜蜂朵朵开.
花见蜜蜂朵朵开 .风流山歌唱起来 ,唱到两人心欢喜 ,唱到阿妹跟涯来.
唱到阿妹跟哥来 ,莫怕路上多溜苔 ,阿妹好比芋荷样 ,缠倒阿哥会抓该
陆河山歌:
联系客服