哥係秤杆妹係砣

作词：客　古

对唱：廖友云、汤小群

2018.04.25（山歌客韵）

男:满山竹子尾拖拖，

哥打竹头唱山歌，

竹头俺多当竹板，

山歌问妹想哥冇？

女:汝问阿妹想哥冇？

涯话阿哥酿俺傻，

蝴蝶都知恋花朵，

奈只妹子唔想哥？

男:奈只妹子都想哥，

就係阿哥十分傻，

有话唔知酿般讲，

问妹割橹口渴冇？

女:汝问妹子口渴冇？

哥係真傻係假傻？

妹子割橹冇带水，

口渴唔知酿奈何？

酿奈何来酿奈何，

阿妹口渴过来坐，

竹头底下有泉水，

想食几多有几多。

想食几多有几多，

阿哥约妹妹来坐，

一来食水解肚渴，

二来也想看阿哥。

妹来食水看阿哥，

哥脱衫帕奔妹坐，

妹係有心哥有意，

嬲到日头落西坡。

嬲到日头落西坡，

莫嫌妹子话俺多，

哥係有心连阿妹，

花轿迎娶妹嫁哥。

妹子愿意嫁阿哥，

阿哥心头乐呵呵，

今年阿哥三十过，

知得酿般惜老婆。

总爱阿哥惜老婆，

妹会孝顺全家和，

家庭和睦勤致富，

一生一世跟阿哥。

一生一世跟阿哥，

一心一意做公婆，

一条蜡烛燃到底，

一根秤杆配只砣。