▲佩里托莫雷諾冰川
阿拉国家垃拉世界个最最南边，总面积排世界第八名，所以地大物博，天然资源相当丰富，作为拉丁美洲国家，人也老热情。阿拉平常顶顶欢喜吃个物事就是烤肉，阿拉烤肉个肉质邪气鲜嫩，箇侪要感谢阿根廷潘帕斯草原，因为动物垃海顶好个气候下头侪是天然放养个。
▲阿根廷烤肉
除脱大草原之外，阿拉也有交关自然风景区值得大家来旅游，譬如讲大冰川，大瀑布老啥侪好称为世界之最。箇搭空气也邪气好，天天侪是蓝天白云，白天看得到太阳，夜里向看得到月亮教星星，所以阿拉个国旗就是蓝颜色搭之白颜色，中间夹垃太阳，象征自由。
▲探戈
箇搭个人，勿管小青年还是老年人，大家侪欢喜跳舞，就算是勿认得个人，只要吃了阿拉南美洲个马黛茶，再来一杯红酒，大家也可以马上做起朋友来，一道跳舞。真个老希望搭仔欢迎大家有机会来到我个国家白相。
▲馬黛茶
文&圖：飞得
音：飞得
編輯：宜興|良伊
联系客服
