▲学校
运道蛮好个，可以公派去苏丹个喀土穆国际阿拉伯语学院学习，还没去苏丹前头，其实网浪向查仔蛮多，啥个世界浪向个火炉，特别个穷，环境还差，所以对搿个神秘个阿拉伯国家有了一丝丝个退怯。但是当奴下飞机个辰光，看着天特别个蓝，心中个退怯侪呒没哉，热浪扑面而来，我似乎伸手就好抓牢风。
▲学校食堂
▲住所前足球场
▲萨瓦金古城
学堂帮伲安排个课程相对比较宽松，老师也鼓励伲到处去走走，当然最好蹲勒首都三省脱苏丹港。刚交来到盖饭，对一切个名堂经侪感觉特别个惊奇，比照仔书浪向学着个，去万能个药店，（当地的药店不只是卖药，啥都卖），荡人民大市场，参加当地婚礼，参加圣纪节狂欢，寻当地个美食，去往古迹。
▲苏丹糕点
像大家晓得个一样，苏丹是北非个一个阿拉伯国家，推崇苏菲主义，主张虔诚、节俭、守贫、苦行、禁欲。每到圣纪节（封印先知默罕默德的诞辰日），全国各地个信教个人全部侪赶到喀土穆个一个大个广场浪向，传道，讲学，举行欢庆仪式，人流如潮，小商贩个叫卖声不绝于耳，还专门开出一块地方来卖圣纪节糖果，各色个糖，甜得来牙齿也甜得脱。
▲圣纪节场景
▲圣纪节娃娃
勒盖首都，当地特别传统个婚礼已经弗多见了，也都是带有一些西方特色个，一般在大礼堂举行，想要蹲辣婚礼浪向吃饱是弗大可能的。一进礼堂，就拨朋友喊过去脱新人个屋里向个人打招呼，之后就一淘唱歌跳舞，一般会得请一个歌手在台浪向弗停个唱歌，大家侪围牢仔着婚纱个新人跳苏丹传统舞蹈响指舞，还爆发出阿拉伯妇女个尖叫，客人们侪穿得特别个隆重，来表达对新人个尊重，庆祝一直到天明。
▲烤羊肉店招牌
▲饭店门口
▲烤羊肉套餐
至于美食，除了特别典型个西式快餐之外，当地个牛肉羊肉质量特别个好，没啥个膻个味道，价格也便宜，会有那种连锁个现买现烤个牛肉羊肉店，再配上酸奶对雪碧，体验大块吃肉个感觉。炸鱼呢，来苏丹一定要吃个，配浪当地特别有个辣酱，大饼脱椰枣发酵个饮料，真个特别好吃。因为苏丹人大多数人侪信伊斯兰教，所以是弗好吃猪猡肉个，也弗好喝酒，辣超市里向买着个也是有点像秋林格瓦斯一样个替代品，但是勒黑市里向还是可以买到酒个，猪猡肉呢，还是有个中国农场勒盖养个，只不过只好蹲辣中国个饭店里向喫得着，一般中国饭店是弗对外开放个。有一转特别个想吃猪猡肉，结果好弗容易吃着哉，一点猪猡个味道也呒没，突然之间心里特別个难过。还有路边个素丸子，勿加香精色素个果汁，苏丹红味道个冰淇淋，阿拉伯树胶饮料，热了来一杯加了薄荷个苏丹红茶，苦中作乐，在尼罗河边头享受夜里向个凉风。
▲夜晚的尼罗河
▲喀土穆大学
▲喀土穆大学的猴子
▲苏丹港去红海路上
旅游，除了去参观当地个博物馆，去喀土穆大学寻猴子，就是去苏丹港。苏丹港辣1月份个天气还是蛮好个。小镇浪向人弗多，安静，干净，有点弗可思议，这还是伊个满地侪是黄沙个苏丹末？来苏丹港就是为了去红海，因为不到季节，红海水个还是蛮蓝个。浅滩区也清得来可以看到下头，可以潜水，伲坐仔玻璃船，可以直接看着海底个生物。看夕阳西沉，脱小蟛蜞孛相。
▲船铁锹
▲船长
▲红海
▲海娜手绘
朗讀：昆山|lavender
排版：神死慟瞑
联系客服
