北
风
跟
太
阳
第 87 期
音频
文字
箇有一回子啊,北风跟太阳齐恰勒搭嚼,嚼哪家个本事大,箇嚼来嚼去,就是嚼弗出个高低上下。就勒箇辰光,走路上头趒过来一个人,北风跟太阳就望到他身上穿则件厚佬个大衣,箇末,他家两个就准备比赛来赌输赢。哪个能逼箇个趒过来个人先拿他身上个厚大衣脱拉,就算哪家个本事大。箇青石板上掼乌龟,他家两个要硬碰硬了啊。北风就开始煞命个勒搭吹,呜~哇~呜~哇~呜~,只不过啊,他一头勒吹,一头发现箇个人啊拿身上头个大衣裹得越来越紧嘞。后末来,北风没办法相了,只好就介佬算则。过则一操工,太阳出来嘞,太阳就介佬一晒,晒得则箇个人面孔上末辣婆婆个哇,他就快稍拿身上头个件大衣脱走拉。箇记末,北风就只好承认,哎呀太阳老表,我等两个当中啊还是尔来事,我比不过尔,我不佩服不中,哈哈哈哈哈哈……
1、一回子:一回。回,量词
2、齐恰:恰好
3、勒搭:那里
4、嚼:争论
5、哪家:谁
6、趒:走
7、则:表示动作的完成或持续,相当于普通话的“了”
8、佬:的
9、箇末:那么
10、他家:他们,第三人称复数
11、箇个:这个,近指
12、煞命:死命
13、相:……的样子
14、介佬:这样
15、一操工:一会儿
16、面孔:脸
17、辣婆婆:火辣辣
18、快稍:快速
19、箇记:这下
20、尔:你,第二人称单数
发音:溧阳上沛|Nichael Jeckson
校对:通东|正心、宜兴|糖果盒
排版:eightly
图源:网络
往期
想贡献出乡音的朋友可以查看征集令
本月所有投稿的音频将陆续上传到吴语学堂喜马拉雅FM供大家收听
新浪微博:吴语学堂微博
你还可以通过以下方式联系我们:
投稿信箱| wugniu@126.com
联系客服