苏白学堂，做最优秀的苏州话教学与传承平台。
本栏目由灬醉里吴音灬授权转发
三月八日是妇女节，孙悟空单位里的女同胞都活动去了，他和其他男同事一起坚守岗位，顺便抽空和大家聊聊最近的故事。
「昏说乱话开始哉」
昏说乱话开始哉！各位手机门前个听众朋友大家好，欢迎大家来收听着今朝个昏说乱话。
今朝是三月八号，礼拜三，妇女节，也祝天下世界个已经结婚个女性同胞，当然啦，朆结婚个也包括，女性同胞节日快乐！
那么妇女那，该个定义，现在呢，微信浪看看，也出现仔很多很多，各式各样个说法。叫啥个女神节，拿名字也侪改脱哉，蛮好个妇女节。
搿种商家呢，也捉牢哀个机遇，包括淘宝，也出现仔很多个促销活动，啥个物事侪有啥个女神个价钿。我买仔一张贴膜，也享受着仔女神个价钿。
也真个是，倷讲俚也是好事体吧，总归社会勒海进步，人个思想呢也越来越勒海变化，变得更加前卫哉，潮流哉，侪是进步。
那么今朝上班呢，也是作为妇女节个福利，伲所有单位个女性同胞，弗管倷是妇女还弗是妇女，只要倷是个女葛，侪出去活动哉。那么伲男同胞么就坚守岗位，今朝坚守岗位，那么也是做好仔自家个本分个工作。
应该讲现在个节日促销，也是非常个火爆。最最新行出来一个非常有名气个呢，相信大家侪听过，就是双十一。今朝虽然不是双十一，也可以来讲讲。
双十一，其实倷看俚便宜弗弗少少，倷佮下来啊，再仔细个到淘宝浪去看看，其实也朆便宜着几化。应该讲侪是一个噱头吧。便宜呢便宜点葛，但是无商不奸啊！弗可能弗赚铜钿葛。唔倷便宜仔，倷觉着俚便宜仔还好赚铜钿，可想而知唔倷原来啊是啦……好有更多个利润哉。
天天有人勒海买物事呀，所以呢，也不能盲目个去跟风。要理智地去对待很多个事体，特别是买物事。
真个是……游戏里死脱亦无不啥葛，亦弗是倷真个死脱哉。哀种人真个是，一世胆小，也无不闲话讲。真个坑得了弗得了。
那么讲到买物事那，我也经常勒淘宝浪买物事葛，那么应该讲平常辰光消费能力还可以吧。总归买点生活用品啊，包括自己爱好收藏玩具，当然啦，收藏玩具呢下一期可以跟大家讲讲，今朝就弗展开讲则。
今朝主要是讲该个，妇女节。应该讲女同胞呢，侪是比较辛苦葛，比较辛苦。
像妇女节针对个哀个一类人呢，一般侪是姆妈。姆妈勒屋里也蛮辛苦，要做很多事体，有种么小人一点点大了，照顾小人，小人有点伤风感冒么，大人急得要臭死。要带俚去看毛病啊，要照顾俚，要喂俚吃。有种小人弗愿意吃么，还要吭俚，还要哄俚。困觉么要吭俚，总归也是，妇女应该讲是，而且还要养小人，侪是经历仔很多应该讲男性同胞朆经历过个点人生个痛吧。
所以说妇女节，女性同胞出去活动，男人坚守岗位呢，也是非常应该葛，非常应该。现在呢，那么慢慢叫当然啦现在也讲究男女平等。妇女能顶半边天，该种闲话么也有，啊对啦。
所以应该讲，有种网浪有比较过激个说法，讲，啥个，就是搿种不大好隐忍啦，赛过搿种直男癌啊，女权癌啊，哀种癌。哀种癌那虽然不是生勒身浪个毛病，但是精神癌，也非常可怕，非常个可怕。
所以说大家还是理性个去看待哀种事体，大家辛苦，互相迁就，互相帮助。倷帮帮我，我帮帮倷，人生呢就是实梗过葛。因为无不一个人是非常完美葛，弗管是男人还是女人，啊对。应该讲大家互相帮助那，哀个日脚再会得过得更加好。再会得更加开心，人搭人呢，会得更加和谐。
那么还有呢，今朝我也是，最近做仔一桩事体啦，就是教，搿个伲哀面有一只小学。教十五个四年级个小学生，唱评弹。唱比较简单个评弹，唔笃有自家创作个曲目。
那么平常辰光，我学过的那，也会得拿搿种最最最最便当的，稍微教唔笃两句。让唔笃那，也是作为一个兴趣爱好，可以赛过丰富唔笃个课余生活啦。
当然啦，我下课也跟唔笃交流过。现在小学生也蛮作孽葛。我跟俚笃讲简谱纳亨唱，do re mi fa so，侪弗晓得葛。搿么我讲，唔笃啊上音乐课个啦？唔笃讲弗上葛。讲唔笃音乐老师是数学老师，啊，是英语老师。哦，搿么我问俚笃，美术课啊上葛，俚笃讲弗上葛，美术老师是数学老师。我想，哦，搿是也蛮痛苦葛。
那么我勒黑板浪，我去帮唔笃，下课辰光，大家无不事体做。我帮唔笃画仔个人人头，画仔个奥特曼勒上头，俚笃开心得了。讲，唉哟，老师倷教伲画图吧！应该讲哀点小人呢，也是，侪是非常欢喜该种文艺方面个活动。弗然兴趣班呢，也弗会得想学评弹葛，阿对啦。因为评弹要弹琵琶葛，唔笃也非常欢喜。我也蛮开心葛，现在还是有很多小人。
那么因为唔笃老早个老师，之前个老师一个年纪大葛。年纪大葛，那么，唔倷就是现在因为身体弗好则啦，只脚弗大好，加上年级大，所以弗来教唔笃哉。
那么之前教呢，也是口口相传，应该讲，无不搿个教材。谱子侪无不葛，谱子无不葛。只有搿点歌词，那么根据歌词，那么伲开始弄。也是，寻着仔我老早个老师，帮忙，帮唔笃记谱。那么勒海记谱之前呢，我就先教唔笃唱简谱。简朴一定要唱会，弗然搿个谱子永远看不懂，实梗学弗会葛呀！
就口口相传，我觉着哀个弗来三，我勒想留下点物事。包括搿种简谱当中舞点纳亨唱，搿种上头个横线是代表啥个几拍几拍。哪个字是唱几拍，教唔笃唱谱，搿种符号侪帮唔笃讲解。
应该讲我觉得我教唔笃啦，我蛮有信心。因为我六月份想让唔笃走上大个舞台。五月份呢，我想希望就是拿唔笃家长请过来，那么让唔笃表演拨自家家长看看。那么也是，当然啦，我作为老师也要表演。也是作为一种，应该讲人搭人现在，倷讲好孛相个事体忒少，多点该种文艺个交流是非常好葛，啊是啦。
倷讲现在，搿个业余活动么吃勒孛相哇，唱歌哇，像该种，能借哀个教学生子哀个平台来进行这种文化的冲击，我觉着是蛮好葛。搿面也是作为，陈云老首长个老早小辰光读过个学堂啦，唔笃也传承仔陈云老早点欢喜个哀个曲艺评弹，来教搿面个小学生。应该讲我觉着哀个是真个是一个非常好个事体。
那么里向小人也蛮有劲葛，安徽来葛，河南，河北侪有葛。天赋有几个确实弗错，音也蛮准，唱得，节奏也会得弹。当然啦，天赋好，还是需要自家后天个努力。那么我也是尽心尽力个教唔笃，应该讲效果还弗差。
搿么，今朝辰光差弗多则。阿末点呢，分享一只，我最近听个，非常欢喜个一只吉他伴奏个曲子之一，送拨大家。
【版权归作者所有，文字稿由苏白学堂整理推送】
词汇说明：
1. 价钿ka die：价格，加钱
2. 行ghan2：流行，时尚
3. 几化ci ho：很多
4. 噱头shiuq deu：小骗局，多出现在商家兜售商品时
5. 姆妈m ma：妈妈
6. 吭ghaon2：「记音」哄小孩睡觉
7. 慢慢叫me me ciau：慢慢地
8. 日脚gniq ciaq：日子
9. 唔笃n toq：你们
10. 作孽tsoq gniq：可怜
11. 弗来三feq le se：不行
12. 学堂ghoq daon：学校
13. 阿末点aeq meq tie：最后
听写 | 予安 排版 | 予安
联系客服
