2019年到了，总觉得新的一年里应该有点新内容，想了又想，还是做成访谈形式吧，让大家听一听不同人口中的吴语故事！
吴人云 | 19年第02期 | 沧浪一尘
我们能为方言做些什么？
这个命题很大又很小，也许你说只能从自己做起，多说多讲，也许有人说我要创作一本方言作品出版普及。
苏白有个小姑娘说，我想做一个文化公司，看看能不能把方言和产品化运营，结合起来。
让我们一起来看看，一尘和杂格咙咚文化公司的故事。
予安
好，今朝伲请着个是沧浪一尘，一尘小姐姐。弗少朋友可能弗大认得俚，伲先让俚自我介绍一下。
大家好，我是一尘。我是2018年，刚刚从杭州一个学堂毕业转来。现在就勒该搭摊跟予安一淘做点方言保护还有苏州文化个事体。
一尘
予安
我们讲着该只活动叫吴人云，侪是搭吴语还有苏州闲话保护有关系个，倷是啥辰光开始关注着吴语个？
大概是2016年下半年或者年底搿歇辰光。哀个事体也是蛮有劲个，我是被一个学长莫名其妙拉到仔一个叫吴语学堂个群里向。
一尘
予安
乃末后首来就慢慢叫开始做方言相关个事体哉，具体做点啥个呢？
搿歇辰光因为年纪小嘛，比较有热情，欢喜苏州闲话。看见予安俚笃勒海做该个事体就想，哎，我阿好能来做点啥个事体，也算自家凑上来个。乃末俚厾仔点拼音卡片拨我，讲倷阿好拿该个卡片弄得好看点。搿末我做仔点卡片，还有整理仔点词汇，包括做仔一个项目里个语音录入工作。
一尘
再到阿末完结末，我勒想大学毕业出来做点啥个工作呢？正好现在学生子创业个政策也蛮好，外加对该个事体也蛮感兴趣，伲也一径勒海想，阿好用一个更加商业化个方式，让苏州闲话可以更加有活力一点，而不单单是伲自家几个人个个人爱好，可以拿俚推广到更大的程度里去。所以伲就做仔一个叫苏州杂格咙咚文化创意有限公司个小公司，来做苏州方言还有苏州文化个文化创意公司。
一尘
予安
赛过是一只大学生创业个公司嘛，捺亨会想着用杂格咙咚做公司个名字呢？
实际搿歇辰光做公司，懂个朋友也侪晓得个，要想几几化化个名字得勒。要想破脑袋，想出来十几个名字，再拣几个顶顶中意个。伲搿歇辰光想，哀个亦有苏州地方特色，乃末还要有劲点，捺亨有劲点末。想来想去，杂格咙咚该个，听起来也蛮好听个，外加伲哀搭摊个人一看就晓得个，蛮有劲个一个词。俚代表个意思也就是杂格咙咚，啥个物事侪有，跟伲自家准备做个，产品啊，内容啊，实际也是有关个。伲想做个末就是所有有关于苏州个杂格咙咚个物事，所以叫哀个名字蛮好个。
一尘
予安
蛮有劲个。大学生创业阿碰着点啥个问题？
问题末总归多得弗得了啘。弗管伲注册啥个样子个公司，侪有会计勒，报账勒，搿个表看也看弗懂个，只好一样一样学起来。
一尘
予安
最大个问题是啥个呢？
最大个问题末，发弗出工资啘！哈哈哈~
一尘
予安
哀个是大问题哉。
予安
19年已经到哉，阿有啥个新年个目标，新年个愿望呢？
目标啊，全年个目标末就是今年好拿工资发出来！自家有口饭吃，还有末就是哀两日天，也勒海做一个苏州闲话跟苏州主题有关个一套红包，哀两日天总算送到厂里去印出来哉。做事体也有点木，但不过好歹伲过年前头好拿俚做出来哉，该搭也借哀个红包来跟大家拜一个早年，希望伲勒海新个一年里向，大家侪可以心想事成，弗管倷是读书个也好，做生意个也好。大家全部侪开开心心个，拿自家新年前头立下来个flag全部侪完成脱俚。
一尘
予安
好，今朝伲就到该搭，祝大家新年快乐！
新年快乐！
一尘
新年里，最不能少的是红包！钞票不多，红包袋袋还是要的，成人用来发红包，小孩用来讨红包，你说是不是！
杂格咙咚出品，新年方言红包——春意，也是一尘小姐姐给大家的新年礼物~
总有人问我们，我想保护和传承方言，但是我可以做些什么呢？希望在这个栏目里你们的问题可以得到解答。
| 本栏目不定期更新，讲述我们身边的吴语故事 |
排版 | 予安
嘉宾 | 沧浪一尘
摄影 | poppa
联系客服
