上海閒话里开玩笑叫「当榜(音)」,有「打棒」「打傍」「打棚」「打甏」多种写法,但是总觉着是拟音沪语,缺点意思。
打谤
博客题目蛮怪的吽!啥意思?上海閒话里开开玩笑叫「当榜(音)」,合么写「打棒」「打傍」「打棚」「打甏」僎好写,啥道理要写「打谤」?搭大家一道来讲讲白相相。
总觉着「打谤」最早应出自「出家人不打诳语」,佛教的根本五个戒条是不杀、不盗、不淫、不妄语(不说谎、不胡言乱语)、不饮酒。
打诳,就是说谎、瞎三话四。打诳,打诳…慢后来发音变「打谤」了。
「谤」字意思跟「诳」差不太多,就是“瞎三话四、乱讲八讲、瞎讲人家”。写「打谤」有道理否啊?
侬看呀,写「打棒」「打傍」「打棚」「打甏」还要注释,写「打谤」意思已经老清爽了,搭侬「打谤」就是搭侬「寻开心」,明打明「瞎三话四」不好当真,不好「版面孔」的哦!
欢喜「打谤」交(gao)会得「打谤」的人往往人缘比较好,有句闲话讲得好:“人一生一世嘛,就是笑笑别人家,顺带便让别人家也笑笑侬。”有了迭种人生态度,日脚一定会过得开开心心。
若要「打谤」人缘好,光欢喜「打谤」还不'来三’,还要会得「打谤」,要会「打谤」就一定要做到“七有——有德、有用、有料、有量、有容、有趣、有心”。
有德,对人真诚,为人厚道,心地善良,有规有矩,有礼貌,有爱心,别人家搭侬相处感觉到焐心、放心。侬从来不拿人家生理缺陷、残疾「打谤」,侬从来不「打谤」弄怂人家,伤害人家,侬性命交关的事体从来不「打谤」。
有用,能貱人家带来实用价值。人与人之间打交道侬有一套,用得着侬的辰光蛮多。
有料,搭侬竳了一蜪大开眼界。侬「打谤」打得有水平,「打谤」打得长知识,从来不开「国际玩笑」。
有量,能倾听别人家想法并发表有价值见解。别人家搭侬「打谤」侬从来不生气。
有容,能充分认可别人家价值、欣赏别人家特色。侬允许人家「弄白相」「寻开心」,侬笑别人家的辰光,顺带便也让人家笑笑侬。
有趣,能带给别人家愉快的心情,搭侬竳了一道不闷。应该讲,会得「打谤」个人一定是懂幽默的人。幽默大师卓别林讲过:“幽默是智慧的最高表现,具有幽默感的人最富有个人魅力,他不仅能与别人愉快相处,更重要的是拥有一个快乐的人生。”上海人是懂幽默的人。有交关发噱格俚语、歇后语可以看出来:“乌龟踫门槛,就看此一翻;屁照镜;直升飞机吊大闸蟹——悬空八只脚;床底下放鹞子——大高不妙;阿王炒年糕——吃力勿讨好;乌龟垫床脚——硬撑;脱裤子放屁——多此一举……”。会得「打谤」的人拨人家带来快乐,搭不会得「打谤」个人竳了一道肯定呒没劲。
有心,懂得用心、用情劜朋友,碰着晓得的事体不必僎讲出来,看到的不可以僎相信,听到的就地消化脱。「打谤」的事体勿好当真。
侬想,阿是有点道理?迭种恁的“七有”会得「打谤」的人,人缘哪恁会勿好?
开开心心是一天,愁眉苦脸也是一天。写迭篇博客搭大家「打打谤」。
为啥写成'打谤’,'谤’的繁写体应该是𧭮,《康熙字典》上读音'眠’,意为'慧黠’。'慧黠’是啥意思呢?是'聪慧而又狡猾’。开玩笑需要'慧黠’。
现在的'谤’是:
1. 恶意攻击别人,说别人的坏话:~讥。~讪。~议。~毁。诽~。
2. 责备:~木(传说中舜设立的供人写谏言的木牌,后代仿效。亦称“华表木”)。“厉王虐,国人~王”。
写'打谤’就是'打击一下谤毁’。
联系客服