女人出軌6大徵兆

最近網上瘋傳綠帽男為咗50萬咩都可以忍，世界級港女係group到質問未婚夫點解屋企有安全套，諗住自己處於上風，大興問罪之師，點知峰迴路轉，男嘅早已親睹女友同人偷食開房，仲有埋相係手。有網民話港女抵死，亦有人話佢哋根本各有各玩，男嘅為錢、女嘅不守婦道之類。

其實偷食已經唔係男人專利，好多時女生偷食往往都比男人更容易更高招，首先男人無女人咁小心眼，唔會好似偵探咁日諗夜諗，邊留意到另一半偷食徵兆；以下5點為女人偷食徵兆，你身邊嗰個有無做齊？

內衣褲愈嚟愈靚

舊內衣褲全部換晒，襯齊一套之餘，亦出現唔少性感內衣，相反你哋性事愈來愈少，亦無以前咁投入，仿佛唔係著比你睇！

好緊張個電話

機不離手，只係靠近佢個電話都會好緊張，擔心你睇到佢嘅message，會無時無刻反轉個電話。

執到好正出街

明明話同女性朋友或阿爸阿媽食飯，但唔知點解要化個全妝出街，襯衫都襯足成個鐘，仲會成日著裙！

消失的密室

平時好痴身，但一星期總有幾日或幾個鐘搵唔到人，好似去咗消失的密室；成日都話好早瞓咗，又或成日OT，忙到連FB或IG都唔Update。

感性Status

FB或IG成日講埋啲好感性、但唔係好關你事嘅Status。或者Post禮物仔，話係女性朋友送或自己買，其實可能係另一個男人送，又忍唔住show off下！

拒絕美食

明明以前好似放棄咗自己，見到美食就兩眼發光，但呢段期無啦啦話要減肥，肥嘢唔食、炸嘢唔食，最緊要靚。

相片來源：bouc4ne @tumblr