张鉴庭：颜大照镜

还是听从雨兄劝告以听评弹为乐。
**先生曾讲过，人贵有自知之明。此话邪起有道理，人无自知之明有如活在云里雾里，中篇评弹《钱秀才》中的颜大先生便是这样的人。某天这位颜大先生突然心血来潮，揽镜自鉴，啊呀呀，不得了................


附唱词：我是二十年来搭倷初相逢，我今朝才得见尊容。我以为是个风流潇洒美男子，总搭潘安宋玉一般同。别人格眉毛生得弯弯能，我格眉毛生得来短勒格浓；我以为自家生一双丹凤眼像关公，阿壳张末生一只田螺眼睛赛过踏杀只死老虫。我当自家格琼瑶鼻生勒笃贴当中，落里晓得一个朝天鼻头两个线香洞：怪不得我讲起张来一经什梗嗡勒嗡，鼻头管里勿大通，我还当仔一年四季勒重伤风。外加招风耳，额角冲，该面末肉百脚，归面末赖皮风；扒出牙齿像狗熊。今年春天，新年里我到娘舅屋里拜年去，我勒观前街兜兜显神风，倒说男女老少一窝蜂，盯到我西跟到我东，我还当仔颜大官人有威风，阿壳张全来看格只丑面孔。（白）旧年也是啥人搭我做仔媒人，（唱）到盘门陆家相亲去，（白）我做仔一顶轿子抬到俚笃大厅上，（唱）做勒笃贴当中，（白）小姐送一碗茶出来，（唱）叫我一声颜相公，倒说面孔涨得熏熏红，上下周身吓得零碎动，我还当俚倷怕面重，阿壳张就是看见只丑面孔。啊呀颜大官人倷是今世家小讨勿着，颜家门里要断种，（白）爹爹姆妈，格个责任要口五笃负格噢，（唱）乃到清明七月半，口五笃只好吃西北风。