有格个一个传说，说老早格辰光，茫茫江海当中，有个孤岛，是古代流放犯人格地方，老早叫白水荡 （大概就是今朝个吕四，天汾通东一带）。
说有格一天，众仙到海外蓬莱历岛做道场，单说八仙中的吕洞宾经过白水荡的上空（当时是吕洞宾第一趟到吕四来）看到格个地方茅草丛生，市井破落，到处是盐田，有一帮脱赤驳子的男人正当热火朝天在煮盐，个个满头大汗！吕洞宾觉得蛮好戏子个，便降下云来，跑过去问问，说格个是个得地方，煮盐个一看，来了个书生摸样个人，又有点吊儿郎当个人，就说，你到格间来做嗲个，吕说格间是得地方，煮盐个苦笑说，是个好地方！吕一笑说，格个地方有嗲，连个鸟也不愿意来，是个鸟不拉屎个地方！
格桩事体也蛮巧个，南极仙翁驾鹤刚好路过格间，走云里听到洞宾个淡话，就想弄卦他，叫他贪聪，便叫仙鹤变成一只同花甲儿，飞到吕洞宾个头上，朝他屙了好几堆鸟屎，屙来几根花花肠子也要断了才住手。
赤拨子一看，笑来到眼泪水直抛，对吕洞宾说，你个 倒霉鬼，今朝你吃孟婆汤着，闯上格种事体，吕洞宾也蛮狡猾个，说格个是天份，不叫鸟屎，不如你里格间就叫天份吧，格个一群人也没有文化个，觉得他的淡话蛮有道理个，就说我里格个地方还没有名字，干脆就叫天份吧，从此格个地名就叫开了，不过漫漫演变成为今朝的天汾了，（可能是河比较多的缘故，份就变成了汾！）
再说吕洞宾后来晓得格桩事体是南极仙翁弄卦他个，也蛮来火个，觉得他和南极仙翁素无恩怨，便到玉帝面前告了他一状！玉帝出来打圆场，拿罪名落在仙鹤身上，便将仙鹤贬到白水荡，与当地居民共甘苦，从此到何个地方栖息，繁衍。
这当然是个后话，不过鹤城之名就此而来个，老早个辰光，有不少人家挂南极仙翁个年画个，来记念他个！
联系客服
